Törek matbuğatına küzätü 13.05.2024

“Hürriyet” basması yazğança Greśiyaneñ “Katimerini” gazetına interv’yu birgän Törkiyä ilbaşı Räcäp Tayyip Ärdoğan Greśiya belän Törkiyä arasındağı mönäsäbätlär mäs’äläsendä yullamalar yasadı. Ärdoğan çişeleşkä qarağan adımnarnıñ ähämiyätenä basım yasap: “İke il arasındağı mönäsäbätlärne cineläytü häm tiskäre fikerlärne beterü bezneñ qulda. Ğomerlek xozur öçen tırışabız,” – dide.

“Star” gazetı Törkiyä ilbaşı Räcäp Tayyip Ärdoğannıñ Törkiyäne saqlanu sänägätendä dön’yanıñ iñ yaxşıları arasına kertüen äytkän Bel’giya prinśı Lorannıñ süzläre uquçıları belän urtaqlaşa: “Xörmätle Ärdoğan xäzerge waqıtta dön’yanıñ iñ yaxşıları arasında bulğan qoral sänägäten barlıqqa kiterde. NATO ğomum särqätibe Yens Stoltenberg ta Törkiyäne täqdir itüen citkerde. Törkiyäneñ zur potenśialı bar. Törkiyä şul uq waqıtta bezgä üzebezne niçek üsterä alaçağıbıznı kürsätä ala torğan il.”

“Sabah” basması citkergänçä Törkiyädän ğıynwar-aprel’ çorında başqarılğan bal êksportı 11 million 477 meñ 245 dollarğa citte. Amerika Quşma Ştatları, Germaniya häm İspaniya iñ küp bal satılğan 3 il buldı.

“Vatan” gazetı xäbärenä kürä Antaliya bıyıl 812 qunaqxanädä qunaq qabul ita. Uzğan yılnı 16 millionnan artıq çit il turistı kilgän häm bıyıl da rekord quyarğa cıyınğan Antaliya sıyfatlı häm bay çaraları bulğan qunaqxanäläre belän alğı planğa çığa. Şähärdä 418e 5 yoldızlı, 218e 4 yoldızlı bulğan 812 qunaqxanä, 5 häm 4 yoldız konśeptında 46 yal itü urını bar.

“Haber Türk” basması yazğança törek uqçısı Mätä Gazoz Germaniyaneñ Germaniyaneñ Êssen şähärendä oyıştırılğan çempionatta finalda köndäşen 6-0 isäbe belän ciñep, Awrupa çempionı buldı.