Törek matbuğatına küzätü 8.02.2024
8 nçe fevral’ könne basılıp çıqqan qayber törek gazetlarına küzätü
“Sabah” gazetı “Gäzäravcınıň Cirgä qaytu säyäxäte başlandı” dip yaza. Törkiyäneň berençe astronavtı Alpär Gäzäravcı Cirgä qaytu öçen yulğa çıqtı. Astronavtlar kiçä Törkiyä waqıtı belän 17 säğat’ 20 minutta Xalıqra ğaläm stanŝiyäsennän kittelär. Säyäxät yaqınça 48 säğat’ däwam itär dip kötelä.
“Star” gazetı “Xamas”tan utnı tuqtatu täq’dimenä Törkiyä şartı” isemle yazmasında citkergänçä, “Xamas” Ğazzädä utnı tuqtatu täq’dimendä Törkiyä, Misır, Qatar, Rusiya häm BMOnıň barlıq kileşülärdä garant buluların taläp itüen açıqladı.
”Hürriyet” gazetı “Stoltenbergtan Ukrainağa yärdäm kürsätüdä Törkiyä ürnäge” isemle yazmasında xäbär itkänçä, NATO ğomum särqatibe Yens Stoltenberg NATO berlektäşläreneň Ukrainağa qoral häm suğış kiräk-yaraqları yärdäme turındağı belderüendä Törkiyäne ürnäk itep kürsätte.
”Vatan” gazetı ministr Bolatnıň süzläre belän “Êksportıbıznı 256 milliard dollarğa citkerep rekord quydıq” dip yaza. Säwdä ministrı Ömär Bolat:“2023 nçe yılda Törkiyä bularaq, dön’ya êksportı häm importındağı kimügä qaramastan, êksportnı 0,64%qa arttırıp 256 milliard dollarğa citkerdek. Bu cömhüriyät tarixında rekord bularaq terkälde”,- dide.
“Yeni Şafak” basması “Küpläp kilälär” isemle yazmasında citkergänçä, “BBC” dön’yada iň küp keşe kilgän 10 şähär arasına kergän İstanbul häm Antaliyağa Kovid -19 pandemiyäsennän soň çit il turistlarınıň küpläp kilüenä basım yasıy.
