Törek matbuğatına küzätü 26.12.2023

“Haber Türk” gazetı “Sabixa Gökçän aêroportı yılına 85 million yulçığa xezmät kürsätäçäk” dip yaza.

İlbaşı Räcäp Tayyip Ärdoğan İstanbulnıñ “Sabixa Gökçän” aêroportınıñ 2nçe liniyäse açılu tantanasında belderülär yasadı. “Yaña liniyäne - töşep utıru, êlekkegesen - kütärelep kitü öçen qullanaçaqbız. Mömkinlekläre 2 tapqır arta. Yaña yul belän yılına 85 millionnan artıq yulçını qabul itep bulaçaq,”-dide ilbaşı.

 “Hürriyet” gazetı Ärdoğannıñ “Bezne terrorçılıq belän örketä almayaçaqlar” digän süzlären alğı planğa çığara.

İlbaşı Ärdoğan Törkiyäneñ üseşen terrorçılıq belän tuqtatırğa teläwçelärgä açıqtan-açıq beldertte. “Bezne terrorçılıq belän qurqıtuçılarğa şuşı kisätüne yasaw faydalı dip uylıym: 21 yıl êçendä här närsäne sınap qaradığız, tik bezneñ möbäraq säyäxätebezgä qomaçawlıy almadığız. “Törkiyä ğasırın” tözügä dä kirtä quya almassız”,-dide ul.

“Sabah” gazetı terrorçı oyışmasına awır “yodrıq” turında citkerä.

Törkiyä qorallı köçläre terrorçı êlementların hawadan häm cirdän qamadı. Alarnıñ Süriyä häm Ğıyraqtağı ob’yektlarına bombalar yawa. Älege xäräkätlärdä “PKK”lı 56 terrorçı täêsirsez xälgä kiterelde.

“Yeni Şafak” gazetı 1nçe ğıynvarda irtän meñnärçä keşeneñ Galata küperenä ağılaçağı turında xäbär itä.

Törkiyädäge 308 ictimağıy oyışma şähitlär häm Ğazzä öçen moñarçı kürelmägän protest çarasına äzerlänä. Meñnärçä keşe 2024nçe yılnıñ täwge irtäsendä İstanbuldağı Galata küperendä oçraşaçaq.

“Hürriyet” gazetı Törkiyädä yasalğan mobil’ uyınnıñ dön’yadağı uñışı turında yaza.

Mobil’ uyınnar tarmağında Törkiyä şirkätläreneñ aldınğılığı bäxässez. İstanbuldağı “Dream Games” firması yasap çığarğan “Royal Match” uyını tanılğan köndäşe “Candy Crush”nı täxetennän töşerde häm iñ küp kerem kitergän mobil’ uyın buldı.