Törek matbuğatına küzätü 14.12.2023

“Yeni Şafak” gazetı yazğança Törkiyä ilbaşı Räcäp Tayyip Ärdoğan Ğazzädä bäreleşlärneñ tuqtawı öçen barlığı 30 söyläşü, 32 telefon söyläşüe ütkärde. Ärdoğan tübändägeçä citkerde: “Qoyıluçı qannıñ tuqtawı öçen tırışlıq quyaçaqbız. Ğazzä öçen totışıbız bilgele.”

“Haber Türk” basması beldergänçä Törkiyä Böyek Millät Mäclese başlığı Numan Kurtulmuş İzrailneñ fälästinlelärgä qarağan soñğı genośid küreneşläreneñ keşelek öçen oyat buluın äytte. Berlӓşkӓn Millӓtlӓr Oyışmasında Amerika Quşma Ştatları citäkçelegendäge 10 ilneñ Ğazzädä utnı tuqtatu çaqıruına yuq dip äytüen xäterlätkän Kurtulmuş tübändägeçä däwam itte: “Bar dön’ya İzrail tarafdarı bulğan 10 ildän zurraq häm ber kön xisapka tartılırlar.”

“Star” gazetı xäbärenä kürä Tışqı êşlär ministr urınbasarı Yasin Äkräm Särim İzrail meñnärçä ğayepsez keşene ütergän Ğazzädä aşığıç räweştä utnı tuqtatuğa ixtıyacnıñ toyıluın assızıqladı. Särim Fälästin xalqınıñ xoquqların garantiya astına alaçaq, ğadel häm daimi tınıçlıqnıñ garantı bulaçaq mexanizmnıñ barlıqqa kiterelüenä ixtıyacnıñ buluın, Törkiyäneñ cawaplılıqnı üz östenä alırğa äzer buluın belderde.

“Hürriyet” basması citkergänçä Awrupa Berlegeneñ bügenge oçraşuınnan alda Ğomum êşlär şurası “Angajement öçen äzer bez” yullamasın yasadı. Qabul itelgän qararlarda Törkiyäneñ namzät il häm şaqtıy mänfäğat’ ölkäsendä töp partnyer bulırğa däwam itüe belderelde.

“Sabah” gazetı yazğança Törkiyäneñ ğıynwar-oktäbr’ çorında zamança miç êksportı 340 million 626 meñ dollar, êlektrlı plitä satışı 255 million 878 meñ dollar buldı. Êksportlanğan yaqınça här 5 êlektr plitäsennän berse Böyekbritaniyagä cibärelä. Bu ildän soñ Germaniya kilä.