Törek matbuğatına küzätü 13.12.2023

 “Star” gazetı “Dus ildän Bayraktar TB2 belderüe” isemle xäbärendä yazğança, Albaniya prem’yer - ministrı Êdi Rama “Bayraktar TB2 “ qorallı pilotsız oçu apparatlarınıň tizdän Albaniya Qorallı Köçlärenä kerteläçägen äytte.

 “Haber Türk” gazetı “Aqqoyı” da êşlätü röxsäte alındı” dip xäbär itä. “Aqqoyı” atom – töş  êlektr stanŝiyäse Atom-töş cayğa salu oyışmasınnan stanŝiyäneň berence reaktorın êşlätep cibärü öçen kiräkle röxsätne aluın belderde. Älege röxsät “Aqqoyı” atom - töş stanŝiyäseneň qurqınıçsız êşläwe öçen nigez bulğan başlatu, köyläw häm êşlätü barışların başlatunı mömkin qılaçaq.

 “Hürriyet” gazetı ministr Uraloğlunıň “Kruiz yulçısı sanı maqsatın uzıp kittek” digän süzlären uquçıları belän urtaqlaşa. Törkiyä transport häm asqorma ministrı Abdulkadir Uraloğlu beldergänçä, portlarğa kilgän  kruiz korabları sanı uzğan yılnıñ şul uq çorı belän belän çağıştırğanda 19,4%qa artqan häm 1167 bulğan. Yulçılar isä 51,6%qa artıp 1 million 517 meñ 933 täşkil itkän. 2023 nçe yılda 1,5 million bulğan kruiz yulçı maqsatın noyabr’dä ük uzıp kitkännär.

 “Yeni Şafak” gazetı “Törkiyä öç ölkädä dä barlıq illärneň urtaça küsätkeçläreneň östendä” isemle yazmasında citkergänçä, Törkiyä milli mäğarif ministrı Yosıf Täkin Xalıqara studentlarnı bäyäläw programması 2022 näticälarenä qağılışlı “Törkiyä matematika, fän häm uqu künekmäläre ülçängän öç ölkädä dä üz däräcäsen kütärde häm barlıq illärneň urtaça kürsätkeçennän östen buldı” dide.

“Sabah” gazetı ”İstanbul” aêroportına qağılışlı xäbärendä yazğança, “İstanbul” aêroportı klimat krizisına qarşı köräş qısalarında Xalıqara aêroportlar şurası tarafınnan birelgän “Aêroport uglerod akkreditaŝiyäse” sertifikatı programmasında 4 nçe däräcägä ireşte.