Төрeк мaтбугaтынa күзәтү - Törek matbuğatına küzätü 07.07.2022

7нчe июльдә бaсылып чыккaн кaйбeр төрeк гaзeтлaрынa күзәтү / 7nçe iyüldä basılıp çıqqan qayber törek gazetlarına küzätü

1853260
Төрeк мaтбугaтынa күзәтү - Törek matbuğatına küzätü 07.07.2022

“Star” gazetı: ““FETÖ” – NATOda terror oyışması bularaq terkälde”

İlbaşı Räcäp Tayyip Ärdoğan bügengä qadär barı tik Awrupa Berlegendä genä terkälgän “PKK” separatist terror oyışmasınıñ “PYD/YPG” häm “Fätullahçı” terror oyışması belän bergä (FETÖ) NATOnıñ terror oyışmaları isemlegenä dä kertelüen belderde.

“Xörriyät” gazetı: “Ärdoğan: “Bez Somaligä kürsätkän yärdämnärebezneñ miqdarı 1 milliard dollarnı uzdı”

İlbaşı Räcäp Tayyip Ärdoğan belän Somali Däwlät başlığı Hasan Şäyex Mahmud İlbaşı qolliyätendä urtaq matbuğat oçraşuın oyıştırdı. Ärdoğan: "Soñğı 10 yılda bez Somaligä kürsätkän yärdämnärneñ küläme 1 milliard dollardan kübräk buldı. Bügen Somalineñ şaqtıy ölkädä üseş aluın kürüdän min bik şat”, - dip äytte.

“Xäbär Türk” gazetı: “Akar: “Aşlıq koridorı” öçen tırışabız””

Milli saqlanu ministrı Hulusi Akar aşlıq töyälgän köymälärneñ Ukraina portlarınnan êvakuaśiyası mäs’äläsendä oyıştırıluı planlaştırılğan "aşlıq koridorı" belän bäyle bularaq: “Yaqın waqıtta uñay näticä alu öçen qulıbızdan kilgän ğayrätne kürsätäbez”, - dide. Akar Törkiyä tırışularınıñ xalıqara mäydanda täq’dir itelüen belderde.

“Watan” gazetı: ““Abdülhamid Xan” borawlaw köymäse wazıyfağa äzer”

Törkiyäneñ üz flotına quşqan dönyadağı 5 köymädän berse bulğan Törkiyäneñ 4nçe borawlaw köymäsendäge äzerleklärne urınında qarawçı Ênergetika häm tabiğıy çığanaqlar ministrı Fatih Dönmäz: “Köymäbez avgustnıñ berençe yartısında wazıyfağa başlayaçaq, berençe wazıyfa urını, möğayın, Urta diñgez bulaçaq”, - dip äytte.

“Yäni Şafak” gazetı: “Grek polkovnigı: “Törkiyägä qarşı yuqqa qorallanabız””

Greśiya hawa köçläreneñ xärbi uqu yortında uqıtuçı bulğan polkovnik Konstantinos Zikidis Greśiyanı Törkiyä belän çağıştırunıñ küñelsezlek kiteräçägen äytte. Polkovnik Zikidis: “Törkiyägä qarşı yuqqa qorallanabız. Bez Törkiyäneñ xärbi säläte belän köndäşlek itä almıybız”, - dip belderde.



Bäyläneşle xäbärlär