Төрeк мaтбугaтынa күзәтү - Törek matbuğatına küzätü 06.07.2022
6нчы июльдә бaсылып чыккaн кaйбeр төрeк гaзeтлaрынa күзәтү / 6nçı iyüldä basılıp çıqqan qayber törek gazetlarına küzätü
“Watan” gazetı: "Qara diñgezdä aşlıq koridorı planı"
İlbaşı Räcäp Tayyip Ärdoğan İtaliya Baş ministrı Mario Draghi belän oyıştırğan urtaq matbuğat oçraşuında Qara diñgezdäge aşlıq koridorı belän bäyle bularaq "(Rusiyä İlbaşı Vladimir) Putin häm (Ukraina Däwlät başlığı Volodimir) Zelenskiyneñ totışı bik möhim. 1 atna-10 kön êçendä söyläşülärne arttırıp näticägä ireşergä tırışaçaqbız”, - dide.
“Sabah” gazetı: "Şveśiya ministrınıñ Törkiyä belderüe"
NATO'ğa kerü möräcäğäten yasağan Şveśiya häm Finlyandiya belän Madridta “öç yaqlı memorandum” imzalanğan ide. Törkiyäneñ böten taläpläre qabul itelgän kileşüdän soñ Şveśiyadan belderü yasaldı. Tışqı êşlär ministrı Anne Linde: "Bez öç yaqlı memorandumnı tulısınça ütäyäçäkbez, küzätäçäkbez”, - dip äytte.
“Xäbär Türk” gazetı: "Şengen vizası mixnäte terkälde”
Änkara törek watandaşlarınıñ Şengen vizası waqıtında oçraşqan mixnätlärne terkäp baru öçen êşçänlek başlattı. Awrupa Şurası parlamentariylär assambleyasına da mäs’älä belän bäyle xisap cibärelde.
“Star” gazetı: "Dus il belän uglevodorod urtaqlığı”
Somali İlbaşı Hasan Şäyex Mahmud, ileneñ uglevodorod rezervları mäs’äläsendä Törkiyä häm Somali xökümätläreneñ xezmättäşlege mäs’äläsendä söyläşülär ütkärüen belderep: "Uglevodorod ölkäsendä xökümätlärara urtaqlıq mäs’äläsen söyläşä başladıq", - dip äytte.
“Yäni Şafak” gazetı: "THY Törek hawa yulları häm İstanbul aêroportı qabat iñ yuğarı noqtada"
İGA İstanbul hawa mäydanı may ayında qabul itkän 5 million 661 meñ 151 yulçı belän Awrupa külämendä aêroportlar arasında berençe urın alğan bulsa, Törek hawa yulları isä 27nçe iyün’ -3nçe iyül’ aralığında könenä ber meñ 510 oçış belän bayraq yörtüçe avialiniyalar arasında iñ küp reys başqarğan hawa yulı buldı.
