Төрeк мaтбугaтынa күзәтү - Törek matbuğatına küzätü 26.05.2022
26нчы майда бaсылып чыккaн кaйбeр төрeк гaзeтлaрынa күзәтү / 16nçı mayda basılıp çıqqan qayber törek gazetlarına küzätü
“Star” gazetı: "Qalın: “Anıq adımnar yasalmasa barış alğa kitmäyäçäk”"
Finlyandiya häm Şveśiya wäkillekläre belän uzdırılğan söyläşülär turında açıqlawlar yasawçı İlbaşı idaräse süzçese İbrahim Qalın: "Törkiyäneñ iminlek borçıluları konkret adımnar belän bilgele ber grafikta qanäğätländerelmägän oçraqta barışnıñ alğa kitmäyäçägen bik açıq itep citkerdek,” – dip äytte.
“Sabah” gazetı: "İzrailgä ilçe bilgelänäçäkme?”
Tışqı êşlär ministrı Mäwlüt Çavuşoğlu 15 yıl aradan soñ İzrailgä yasağan räsmi säfärennän soñ tulı wäqalätle ilçe bilgeläw belän bäyle bularaq: "İzrail belän ike yaqlı ilçe bilgeläw mäs’äläsen (İzrail tışqı êşlär ministrı Yair) Lapidneñ Törkiyä säfäre waqıtında bäyäläw qararına kildek,” – dip belderde.
“Xörriyät” gazetı: "Ministr Varank: “Bez Awrupada berence urında”"
Sänäğät häm texnologiya ministrı Mostafa Varank Törkiyä qorıç citeşterüçeläre cämğıyäteneñ çirattağı ğomum utırışında yasağan çığışında: "Törkiyä bügen 40 million tonna qorıç citeşterüe belän Awrupada berence, dönyada 7nçe urında,” – dide.
“Yäni Şafak” gazetı: "Awrupalı şifanı Törkiyädä êzli”
Törkiyä sälamätlek saqlaw turizmında möhim nığıtmağa, bazağa äylände. Uzğan yılda 642 meñ keşe şifanı Törkiyädä êzlägän bulsa, monıñ 400 meñeneñ Awrupalı buluı isä iğ’tibarnı cälep itte. Törkiyä bıltır sälamätlek saqlaw turizmınnan 1 milliard dollardan kübräk kerem aldı.
“Watan” gazetı: "Törkiyädä maymıl çäçäge virusı barmı?"
Sälamätlek saqlaw ministrı Fahrättin Koca Törkiyädä maymıl çäçäge virusı oçrağınıñ kürenmäwen açıqladı. Koca: "Kiräksez borçılu bulmasın. Xastalıqnıñ pandemiya säbäbe bulaçağına ışanmıym,” – dip äytte.
