Törek matbuğatına küzätü 24.05.2022

24 nçe may könne basılıp çıqqan qayber törek gazetlarına küzätü

1831500
Törek matbuğatına küzätü 24.05.2022

 

”Sabah” gazetı citkergänçä, Törkiyä ilbaşı Räcäp Tayyip Ärdoğan Finlyandiya häm Sveśiyäneñ NATO adımı belän bäyle terrorğa qarşı köräştä ike ildän dä konkret adımnar kötülären belderde. Ardoğan terrorğa qarşı köräştä Törkiyäneñ xaqlı taläplären qanäğät’länderergä kiräklegen belderep, “Bez Şveśiyäneñ sankśiyälären berniçek tä çitkä quya almıybız” dide.

”Hürriyet” basması Törkiyä ilbaşınıñ “Minem öçen Miśotakis yuq” digän süzlären alğı planğa çığara. İlbaşı Räcäp Tayyip Ärdoğan kabinet cıyılışınnan soñ ütkärgän matbuğat oçraşuında Greśiya prem’yer-ministrı Kiriakos Miśotakisnıñ AQŞ Kongressında Törkiyägä qarşı äytkän süzlärenä kisken reakśiya belderde. “Bez bıyıl Strategik şura cıyılışı ütkärergä cıyınğan idek. Monnan soñ minem öçen Miśotakis yuq. Oçraşunı ütkärmäyäçäkbez” dide.

”Star” gazetı Soğud Ğaräbstanı “Bayraktar Akıncı” keşesez höcüm hawa apparatların satıp alaçaq dip yaza. Üzäge Livanda urnaşqan “Taktikal Report” Soğud Ğaräbstanınıñ Törkiyädä êşläp çığarılğan cirle häm milli “Bayraktar Akıncı” keşesez höcüm hawa apparatların satıp alu öçen êşkä kereşäçäge turında yazdı.

”Yeni Şafak” gazetı “Moody’s”nıñ Törkiyä iq’tisadına qağılışlı süzlären uquçıları belän urtaqlaşa. Xalıqara kredit bäyäläw oyışması “Moody’s”nıñ il riskları törkemnäreneñ ölkän başlıq urınbasarı Kêtrin Muxlbroner Törkiyä banklarınıñ nıq häm açıq räweştä iq’tisadi tigezläneşne täêmin itüdäge möhim faktorlar arasında buluın belderde. “Törkiyä iq’tisadi härwaqıt nıq tordı. Ul zur häm törle iq’tisad “ dide.

 “Vatan” gazetı citkergänçä, ağımdağı yılnıñ aprelendä çit illärdän Törkiyägä kilüçelär sanı uzğan yılnıñ şu uq ayı belän çağıştırğanda 225, 59%qa artıp 2 milliom 574 meñ 423 buldı. İllär isemlegendä Germaniya berençe, Bolgariya ikençe, Angliya öçençe urında.



Bäyläneşle xäbärlär