Төрeк мaтбугaтынa күзәтү - Törek matbuğatına küzätü 16.05.2022
16нчы майда бaсылып чыккaн кaйбeр төрeк гaзeтлaрынa күзәтү / 16nçı mayda basılıp çıqqan qayber törek gazetlarına küzätü
“Sabah” gazetı: "Çavuşoğlunıň Finlyandiya häm Şveśiya belderüe: “Terrorçılıqnı yaqlağannarı öçen bez qarşı”"
Tışqı êşlär ministrı Mäwlüt Çavuşoğlu NATOnıň Tışqı êşlär ministrları cıyılışı öçen kitkän Germaniya başqalası Berlinda Finlyandiyanıň häm Şveśiyanıň NATO äğ’zalege mäs’äläsendä yasağan belderüendä: "Finlyandiyanıň häm Şveśiyanıň terrorçılıqqa kürsätkän yaqlawları öçen NATOğa kerülärenä bez qarşı,” – dip äytte.
“Xäbär Türk” gazetı: "NATO Ğomum särkätibe Stoltenbergneň Törkiyä belderüe"
NATO Ğomum särkätibe Yens Stoltenberg Şveśiyanıň häm Finlyandiyanıň buluı mömkin äğ’zalege belän bäyle bularaq: "Törkiyä – möhim berlektäşebez. Törkiyä qayber borçıluların telgä aldı häm NATOda härwaqıt bulğanı kebek borçılular bulğan oçraqta urtaq nigez taba alaçağıbızğa ışanam”, - dide.
“Star” gazetı: "MİT Milli küzläw oyışmasınıň Kobanidäge operaśiyası"
Törkiyä Milli küzläw oyışması (MİT) êzlänüçelär isemlegendä bulğan “PKK” terror oyışması äğ’zase Hayri kod isemle Äkräm Üstäkne Süriyäneň Aynularap (Kobani) töbägendä yäşerengän urında täêsirsez xälgä kiterde.
“Yäni Şafak” gazetı: "Rusiyä tur operatorları berlegennän yal itü beleşmäse: “Törkiyä köndäşsez”"
Rusiyä tur operatorları berlege (ATOR) urtaqlaşqan yazmada Törkiyäneň täq’dim itkän mömkinlekläre belän köndäşlären artta qaldıruı belderelde. Rusiyä turistlarğa qarata totışı öçen “mökämmäl, iskitkeç” dip bäyä birde.
“Xörriyät” gazetı: "Mega yaxtası Bodrumda"
Muğlanıň Bodrum ilçäse kiňlegenä dönyanıň iň ozın 22nçe yaxtası buluı belderelgän “Flying Fox” kilep tuqtadı. Kayman utrawları bayraqlı 136 metr ozınlığındağı, 21 metr kiňlegendäge mega yaxtada kemneň buluı belenmi.
