Төрeк мaтбугaтынa күзәтү - Törek matbuğatına küzätü 27.01.2022
27нчe гыйнвардa бaсылып чыккaн кaйбeр төрeк гaзeтлaрынa күзәтү / 27nçe ğinwarda basılıp çıqqan qayber törek gazetlarına küzätü
“Xäbär Türk” gazetı: "Putinnı häm Zelenskiyne Törkiyägä çaqıra alabız"
İlbaşı Räcäp Tayyip Ärdoğan şäxsi ber televideniyägä yasağan belderüendä: "Rusiyä belän Ukraina arasındağı kiyerenkelekneñ yaña krizisqa äylänüen telämibez. Monıñ öçen qulıbızdan kilgänne yasarğa äzer buluıbıznı äytäbez. (Rusiyä İlbaşı Vladimir) Putin häm (Ukraina Däwlät başlığı Vladimir) Zelenskiygä şuşı yullamalarımnı citkerdem. Här ike il dä Törkiyäneñ êçkersezlegen häm yaxşı niyätle buluıbıznı kürälär, dip uylıym. İke ilne Törkiyädä qunaq itep, tınıçlıq yulın aça alabız”, - dip äytte.
“Yäni Şafak” gazetı: "Altun: “500 meñ süriyäle ilenä qayttı”"
İlbaşı idaräseneñ êlemtä başlığı Fahrettin Altun, Törkiyäneñ töbäk tınıçlığına, iminlegenä häm totrıqlılığına öleş kertüen belderep, süriyäle qaçaqlarnıñ 500 meñnän kübrägeneñ Törkiyäneñ êşçänlege belän illärenä qaytuın citkerde.
“Sabah” gazetı: "Törek tabiblärennän ğorurlandırğan êşçänlek”
Amerika Quşma Ştatlarındağı Jackson laboratoriyaları institutında baş tikşerenüçe bularaq wazıyfa başqaruçı professor doktor Där’ya Unutmaz koronavirusnıñ böten variantlarına qarşı êffektiv bula alaçaq yaña däwalaw ısulı östendä êşläwlären, näticälärneñ uñay buluın äytte.
“Xörriyät” gazetı: "Êlektrlı maşina gigantları iğ’tibarın Törkiyägä yünältte"
Zaryadlaw stanśiyäläreneñ taraluınıñ yoğıntısı belän dä 2021nçe yılda Törkiyä êlektrlı maşina bazarı 237%qa arttı. Bu wazğıyät êlektrlı maşina gigantlarınıñ da iğ’tibarın cälep itte. “Tesla”, “MG”, “Jaguar” kebek global’ markalar Törkiyä bazarına kerde.
“Star” gazetı: "Törkiyäneñ kesä iyärçene “Grizu-263A”nıñ xikäyäse kinoğa töşerelde"
13nçe ğıynwar’da ğalämgä oçırtılğan Zonguldak Bülänt Äcävit universitetınıñ “Grizu-263” ğaläm taqımı tarafınnan yasalğan “Grizu-263A” kesä iyärçeneneñ xikäyäsen añlatuçı qısqa fil’m äzerlände.
