Törek matbuğatına küzätü 25.01.2022

”Vatan” gazetı “Ğadälät häm qalqınu” partiyäse süzçese Ömär Çeikneň Rusiya -Ukraina krizisına qağılışlı süzlären alğı planğa çığara. Süzçe kiçä yasağan belderüendä Törkiyä ilbaşı Räcäp Tayyip Ärdoğannıň Rusiya häm Ukraina xaqındağı süzläreneň dön’yağa nıq täêsir itüen äytte. Çelik: “Küpçelek keşe krizisnıň ber yağına ğına basım yasağanda, Törkiyä häm Rusiya, häm Ukraina yağında uňay fiker tudırğan yullamalar yasıy” dide.

”Sabah” gazetı Törkiyä sälamätlek saqlaw ministrı Fäxrettin Kocanıň omikron variantı belän bäyle ömetle süzlären uquçıları belän urtaqlaşa. “Omikron variantı êpidemiyäne tuqtatır öçen ömet bulırğa mömkin. Fänni tikşerenülär näticäläre kürsätkänçä ,vakśinaśiyälängän keşelär omikron yoqtırğan oçraqta awırunı ciňel kiçerälär häm immunitet däräcäse arta. Privivkalarığıznı yasatığız. Êpidemiya kön tärtibennän çığaçaq” dide ministr kiçä yasağan belderüendä.

”Star” gazetı citkergänçä, Tön’yaq Kipr Törek Cömhüriyäte prem’yer - ministrı häm Milli berdämlek  partiyäse räise Faiz Sucuoğlu kiçäge çığışında “Bez törek milläteneň kön’yaqtağı ber öleşe , yäğ’ni Urta diňgezdäge saqçıları. Zäňgär Watannıň näq’ urtasında häm Tön’yaq Kipr Törek Cömhüriyäteneň ,häm Törkiyäneň mänfäğät’lären saqlawçılar” dide.

”Hürriyet” basması yazğança, êlektr avtomobile gigantı Tesla Törkiyädäge “Tesla motorları” şirkäte belän bäyle 3 möhim adım yasadı. Şirkätneň yuğarı däräcäle citäkçese Kemal Geçer buldı. Ul êlek Lufthansa Törkiyä - Ğıyraqnıň citäkçese ide. Şirkät bıyıl Model’ X, Model’ Y, Model’ 3 häm  Model’ S isemle 4 model’ne satuğa çığaraçaq.

“Haber Türk” gazetı êşkärtelmägän qorıç citeşterüdä rekord quyıluı turında xäbär itä. Törkiyäneň êşkärtelmägän qorıç citeşterüe uzğan yıl 40 million tonnanı uzıp kitte. Bu isä 2020 nçe yıl belän çağıştığanda 12,7%qa kübräk häm xäzergä qadärge iň yuğarı citeşterü kürsätkeçe.