Төрeк мaтбугaтынa күзәтү - Törek matbuğatına küzätü 17.01.2022

“Sabah” gazetı: "Könbatış mediasınnan açıp salu! “Berdänber yul Törkiyä belän xezmättäşlek”"

Üzäge Bryussel’dä urnaşqan” EU Observer” gazetında Törkiyä belän bäyle bularaq açıqtan-açıq qabul itü üzençälegendä mäqalä dönya kürde. "Törkiyä häm Awrupa Berlege arasında geopolitik xezmättäşlek waqıtı” dip atalğan yazmada, Törkiyäneñ geostrategik ähämiyätenä iğ’tibar yünältelep: "Berdänber yul – Törkiyä belän xezmättäşlek”, - dip äytelde.

“Yäni Şafak” gazetı: "“Waşington Post” “Bayraqtar TB2”ne baş säxifädän citkerde"

Amerika Quşma Ştatlarınıñ “Waşington Post” gazetı Törkiyädä êşläp çığarılğan aldınğı texnologiya “Bayraqtar TB2”ne baş säxifäsennän citkerde. “Bayraqtar TB2”neñ tradiśion hawa köçläreneñ çığımnarınıñ barı tik keçkenä öleşe belän genä illärgä yäşeren/öräk hawa köçen täq’dim itüe belderelde. Ukraina xärbi belgeçe: "Doşmanğa êmośional’ häm çın yoğıntı yasawçı faktor”, - dip äytkän bulsa, gazet Mäskäwneñ sörän saluın yaza.

“Star” gazetı: "Kürşedän “TOGG” turında maqtaw süzläre”

Böten dönya xäyran qalıp soqlanğan häm maqtağan Törkiyäneñ cirle avtomobile “TOGG”nıñ sedan modelenä Greśiya matbuğatında da maqtaw süzläre belderelde. Kürşe matbuğatı: "Töreklär Awrupanı ciñep alırğa äzer häm İlbaşı Ärdoğan “TOGG” belän xıyalın tormışqa aşıraçaq”, - dip yazıp çıqtı.

“Watan” gazetı: "“Teknofest”neñ belem häm texnologiya cilläre Azärbaycanda isäçäk"

Dön’yanıñ iñ zur aviaśiya, ğaläm häm texnologiya festivale “Teknofest”, bişençe yılında il çiklären uzıp, xalıqara däräcägä citte. Qardäş il Azärbaycanda 26nçı-29nçı may könnärendä uzaçaq “Teknofest” texnologiya, belem, bäyge, dulqınlanu, duslıq häm qardäşlek toyğıları belän bay êçtälekle festival bularaq tormışqa aşaçaq.

“Xörriyät” gazetı: "Törek uyın tarmağına pandemiya dopinğı"

Törkiyä uyın üseşendä dönyanıñ aldınğı illärennän berse bulıp torsa, 2021nçe yıl êçendä Amerika Quşma Ştatlarındağı iñ populyar 100 mobil’ uyınnıñ 20%ı Törkiyädän saylap alındı.