Төрeк мaтбугaтынa күзәтү - Törek matbuğatına küzätü 14.01.2022
14нчe гыйнвардa бaсылып чыккaн кaйбeр төрeк гaзeтлaрынa күзәтү / 14nçe ğinwarda basılıp çıqqan qayber törek gazetlarına küzätü
“Watan” gazetı: "Ärdoğan: “Awrupa Berlege bezneñ öçen strategik östenlegebez bulırğa däwam itä”"
İlbaşı Räcäp Tayyip Ärdoğan Awrupa Berlege äğ’zase illärneñ Änkara ilçeläre belän uzdırğan cıyılışta: "Awrupa Berlegeneñ 2022nçe yılda, strategik miopiyadan qotılıp, Törkiyä belän mönäsäbätlärneñ üsterelüendä tağın da qıyuraq êş itär, dip ışanabız. Geografiya, tarix, keşelär bularaq Awrupa qıytğasınıñ ber öleşe bulğan Törkiyä Awrupa Berlegenä tulı äğ’za bulu maqsatına bäyle. Awrupa Berlege bezneñ öçen strategik östenlegebez bulırğa däwam itä”, - dip äytte.
“Xäbär Türk” gazetı: "Törkiyäneñ berençe kesä iyärçene “Grizu-263” ğalämgä oçırtıldı"
Bülent Äcävit universitetı tarafınnan qamilläşterelgän Törkiyäneñ berençe kesä iyärçene “Grizu-263A” AQŞtağı “Cape Canaveral” oçırtu bazasınnan “SpaceX”neñ “Falcon 9” raketası belän uñışlı räweştä ğalämgä cibärelde.
“Sabah” gazetı: "İlbaşı idaräseneñ êlemtä räislegennän "Hello Türkiye" kampaniyası"
İlbaşı idaräseneñ êlemtä räislege ilneñ milli häm xalıqara isemeneñ "Türkiye" bularaq qullanuın xalıqara dairälärdä tağın da êffektiv räweştä citkerü maqsatınnan çığıp "Hello Türkiye" isemle kampaniya başlattı.
“Star” gazetı: “Alman mediası baş bitlärdän citkerde: “Töreklär kiñ qolaçlı uylıy”"
Germaniyanıñ “Focus” basmasında Törkiyäneñ cirle avtomobile “TOGG”nı maqtawçı yazma basıldı. Mäqalädä “TOGG”nıñ yaña çornıñ simvolı buluına basım yasaldı häm İlbaşı Räcäp Tayyip Ärdoğannıñ cirle avtomobil’ industriyası öçen tırışlıq sarıf itüe citkerelde.
“Yäni Şafak” gazetı: "Dön’yanıñ täwge küp rol’le keşesez xärbi oçqıçı: Akıncı Bayraktar"
Xärbi häm saqlanu sänäğäte mäs’älälärendä näşer itüçe “Oryx Blog” Törkiyäneñ 10 yıldağı saqlanu uñışın añlattı. Mäqalädä, “Bayraktar Akıncı”nıñ küp rol’le üzençäleklärenä iğ’tibar yünältelep, Törkiyäneñ xärbi kiräk-yaraqlarına yañalarınıñ östälüenä basım yasaldı.
