Төрeк мaтбугaтынa күзәтү - Törek matbuğatına küzätü 06.01.2022

“Xörriyät” gazetı: “Ministr Çavuşoğlu NATO Ğomum särkätibe belän söyläşte”

Tışqı êşlär ministrı Mäwlüt Çavuşoğlu kiçä NATO Ğomum särkätibe Yens Stoltenberg belän telefonnan söyläşte. Çavuşoğlu häm Stoltenberg telefon söyläşüendä NATO tışqı êşlär ministrları cıyılışı aldınnan fikerläre belän almaştı. Söyläşü waqıtında ayıruça 12nçe ğıynwar’dä ütkäreläçäk NATO-Rusiyä cıyılışı aldından soñğı wazğıyät’ tä quzğatıldı.

“Star” gazetı: “Törkiyä häm Ärmänstan arasındağı söyläşü köne bilgele buldı”

Tışqı êşlär ministrlığı Törkiyä häm Ärmänstan maxsus wäkilläreneñ berençe oçraşuınıñ 14nçe ğıynwar’dä Rusiyä başqalası Mäskäwdä uzaçağın belderde.

“Sabah” gazetı: “Ministr Kocadan “Omikron” açıqlawı”

Sälamätlek saqlaw ministrı Fahrettin Koca kiçä “Twitter” akkauntınnan yasağan belderüendä: "“Omikron” variantı belän bergä yoqtıru oçraqlarınıñ artuına qaramastan xastaxanägä salu külämendä borçılırlıq däräcädä kübäyü yuq”, - dip äytte.

“Vatan” gazetı: “Qaraismailoğlu: “Êlektronika êksportında lider illär arasına kerü öçen yaña strategiyalar äzerlibez”

Transport häm asqorma ministrı Adil Qaraismailoğlu: "İlebezne elektronika êksportında lider illär arasına kertü öçen yaña strategiyalar citeşteräbez. Mondıy çorda texnologik bäysezlek - milli bäysezlegebezneñ ışanıçı da”, - dip äytte.

“Yäni Şafak” gazetı: “Törkiyä avtomobil’ tarmağınıñ2021nçe yıl êksportı 29 milliard 300 million dollarğa citte”

Törkiyä iq’tisadınıñ lokomotiv tarmağı bulğan häm êksportta 2021nçe yılnı da lider bulıp tämamlap, ber-ber artlı 16nçı tapqır berençelegen iğ’lan itkän avtomobil’ industriyası uzğan yılda 29 milliard 300 million dollar külämendä çit ilgä satu başqardı.