Төрeк мaтбугaтынa күзәтү - Törek matbuğatına küzätü 20.12.2021
20нчe декабрьдә бaсылып чыккaн кaйбeр төрeк гaзeтлaрынa күзәтү / 20nçe dekabrdä basılıp çıqqan qayber törek gazetlarına küzätü
“Xäbär Türk” gazetı: “Ärdoğan: “Böten kürsätkeçlär global’ uñışqa işara itä””
İlbaşı Räcäp Tayyip Ärdoğan Törkiyäneñ global’ krizislarğa qarşı çıdamlılıq kürsätüendäge häm krizislarnı forsatqa äyländerüdäge üz-üzenä ışanıçnıñ artında köçle asqormanıñ buluın äytte. Ärdoğan üseş sannarı, citeşterü, êş belän täêmin itü häm êksportnıñ, byudjet balansları belän böten kürsätkeçlärneñ Törkiyä cähätennän dönyaküläm uñışqa işarät itüen belderde.
“Yäni Şafak” gazetı: “Törkiyäneñ 8nçe iyärçene ğalämgä çıqtı”
“Türksat” iyärçen flotınıñ iñ köçlese bulaçaq “Türksat” Amerika Quşma Ştatlarınıñ Florida ştatında urnaşqan Kayp Kanaveral bazasınnan uñışlı räweştä ğalämgä oçırtıldı. “Spays İks” firmasına bäyle “Falkon 9” raketası belän ğalämgä cibärelgän “Türksat 5B”neñ orbitağa kerüe belän Törkiyäneñ aktiv xäbärläşü iyärçene sanı 5gä, tuplam iyärçen sanı 8gä citte. İyärçen belän Törkiyäneñ mäğ’lümat citkerü tizlege häm köçe 15 märtäbädän kübräk artaçaq.
“Star” gazetı: “Törkiyäneñ täcribäse häm berekmäse ürnäk ber misal”
Törkiyäneñ milli häm original’ keşesez qorallı hawa apparatları “Bayraktar TB2”lär turında açıqlawlar yasawçı Amerika Quşma Ştatları saqlanu ministrlığınıñ ışanıçlı kiñäşçese bularaq belengän Skott Krino: “Süriyä, Liviya häm Qarabaxtağı uñışlarnıñ artında Törkiyäneñ citeşterü belgeçlege yata. Törkiyäneñ täcribäse häm berekmäse başqa illärneñ ürnäk aluı öçen nıq şablon,” – dip äytte.
“Sabah” gazetı: ““Turkovak”qa yuğarı bilge”
Törkiyä vakśina institutı başlığı häm Koronavirus belem şurası äğ’zase professor doktor Atäş Qara cirle innaktiv yaña tör koronavirus (Kovid-19) vakśinasınıñ klinik êşçänlegendä berençe kürsätkeçlärneñ bik uñay uzuın belderde. “Turkovak” qadalğan keşelär arasında “Kovid-19”nı awır kiçergän berkem dä bulmawına basım yasawçı Qara: ““Turkovak” antitänçek däräcäsen dä tiz arttırdı. Öçençe doza vakśina bularaq räxät qullanırğa bula”, - dip äytte.
“Xörriyät” gazetı: ““Vakıfbank” 4nçe tapqır dönya çempionı buldı”
“VakıfBank” FIVB Bötendönya xatın-qızlar klubları çempionatı finalendä İtalian wäkile “Imoco Conegliano”nı 3-2 isäbe belän ciñep 4nçe märtäbä çempion buldı.
