Төрeк мaтбугaтынa күзәтү - Törek matbuğatına küzätü 02.12.2021
2нчe декабрьдә бaсылып чыккaн кaйбeр төрeк гaзeтлaрынa күзәтү / 2nçe dekabrdä basılıp çıqqan qayber törek gazetlarına küzätü
“Xäbär Türk” gazetı: “İq’tisadta yaña strategiya”
İlbaşı Räcäp Tayyip Ärdoğan, Törkiyäneñ yuğarı prośentnı taşlap, citeşterügä häm êksportqa östenlek birgän strategiyağa küçüen belderde. “Näq’ menä şuşı üzgäreş arqasında bezneñ il dönyada üseşen däwam itüçe berdänber iq’tisadqa äylände”, - dip äytüçe Ärdoğan: “2021nçe yılnı ike śifrlı üseş belän tämamlarğa cıyınabız”, - dip citkerde.
”Xörriyät” gazetı: “Ministr Koca: “Kizüneñ axırı köçsez variantlar belän kiläçäk””
Sälamätlek saqlaw ministrı Fahrettin Koca sośial’ media aşa yasağan belderüendä: “Viruslar grippta yul açqan “influenza”dağı kebek waqıt belän üzgäreşkä duçar bula. Bez alıp barğan köräşkä häm üzgärgän şartlarğa qarşı virus ta isän qalu öçen köräşä. Yaña tör koronavirusta (Kovid-19da) yaña ştammnardan borçılırğa mömkin, fäqät kizü axırınıñ köçsez variantlar belän kiläçägen onıtmağız”, - dip äytte.
“Yäni Şafak” gazetı: ““Turkovak”ta axırına citelde”
Aşığış qullanu raslawın kötüce cirle “Kovid-19” vakśinası “Turkovak”nıñ küpläp citeşterelüe öçen ike qorılmada asqorma tämamlandı. Törkiyä daru häm mediśina cihazları oyışmasınıñ laboratoriyasına cibärelgän cirle “Kovid” vakśinasına dekabr’ urtasında röxsät birelüe kötelä. Vakśinalar massaküläm citeşterüdän soñ tağın 14 könlek testtan uzdırılıp bazarğa täq’dim iteläçäk.
“Star” gazetı: “Pol’şa: “Törkiyäneñ keşesez qorallı hawa apparatlarınıñ satıp alınuı möhim kileşü””
Pol’şa İlbaşı Andjey Duda Törkiyäneñ keşesez qorallı hawa apparatlarınıñ satıp alınuı kileşüeneñ bik möhim buluın äytte. Duda Törkiyä belän yaxşı mönäsäbätlärneñ, iminlek ölkäsendä yasalğan adımnarnıñ alğa taba däwam itäçägen belderde.
“Sabah” gazetı: “Berläşkän Millätlär Oyışması global’ operaśiyälärne Törkiyädän alıp baraçaq”
BMOnıñ humanitar krizislar belän köräş üzäge bulğan Humanitar koordinaśiya ofisınıñ Törkiyädä ofis açuın küzdä totqan kileşü raslandı. Kileşü belän bergä üzäkneñ Jenevada urnaşqan global’ operaśiyälärdän cawaplı qorılışı İstanbulğa küçärgä äzerlänä. Bu räweşle BMO Süriyä belän ber rättän töbäktä yäşängän humanitar faciğalärdä aktivraq, tağın da êffektiv qatnaşa alaçaq.
