Törek matbuğatına küzätü 30.11.2021

“Yeni Şafak” gazetı Ärdoğannıñ süzläre belän “Äybät üzgäreşlär bulaçaq” dip yaza.

Törkiyä ilbaşı Räcäp Tayyip Ärdoğan Berläşkän Ğaräp Ämirlekläreneñ 10 milliard dollar külämendä investiśiyä planı täq’dim itüen belderep: “Monı tormışqa aşırsaq, başqa törle kiläçäk töziyäçäkbez. Äybät üzgäreşlär bulaçaq,”-dide.

“Hürriyet” gazetı “Qızıl isemlektä êzlänelüçe keşe totqarlandı” dip citkerä.

Milli saqlanu ministrlığı beldergänçä, Süriyädän Törkiyägä qanunsız yullar belän kerergä mataşuçı 7 keşe êläkterelde. Alarnıñ berse qızıl isemlektä bula.

“Star” gazetı yazğança, tışqı säwdä kürsätkeçläre açıqlandı.

Törkiyäneñ êksportı oktyabr’dä, bıltırnıñ şul uq çorı belän çağıştırğanda, 20,1%qa arttı häm 20 milliard 792 million dollar täşkil itte. İmport isä 12,8%qa üste häm 22 milliard 230 million dollarğa citte.

“Haber Türk” gazetı citkergänçä, Diyarbaqır qal’gäse divarlarında Märvanidlar xökemdarınıñ sarayı tabıldı

Diyarbaqır divarındağı 71nçe nığıtmanıñ Märvanid xökemdarınıñ sarayı buluı açqılandı. Ul tözelgännän soñ mädäniyät üzägenä äwerelgän, anda küp kenä fän ähelläre häm fiker iyäläre buluı bilgele.  

“Sabah” gazetı Tayfun Korkut qabat Bundesligada dip xäbär itä.

Törek futbol trenerı Tayfun Korkut “Gerta Berlin” klubınıñ yaña baş trenerı buldı. Ul êlegräk “Bayer Leverkusen”da ide.