Төрeк мaтбугaтынa күзәтү - Törek matbuğatına küzätü 26.11.2021

26нчы ноябрьдә бaсылып чыккaн кaйбeр төрeк гaзeтлaрынa күзәтү / 26nçı noyabrdä basılıp çıqqan qayber törek gazetlarına küzätü

1739238
Төрeк мaтбугaтынa күзәтү - Törek matbuğatına küzätü 26.11.2021

“Xäbär Türk” gazetı: “Törkiyä iq’tisadi maqsatlarına yünälde”

Milli İminlek Şurası cıyılışında Törkiyä tözegän nıq asqorma östendä, maqsatlarına yaraşlı räweştä kapital salu, citeşterü, êş belän täêmin itü häm êksportqa nigezlängän iq’tisad säyäsätlären tormışqa aşıru barışında oçraşqan häm oçraşuı mömkin sınawlar belän qurqınıçlıqlar bäyälände. Cıyılışta Törkiyä Cömhüriyäteneñ 100 yıllığı bulğan 2023nçe yılğa här ölkädä bulğanı kebek iq’tisadi bularaq ta köçle räweştä barıp citü qatğıylığı raslandı.

“Xörriyät” gazetı: ““TURKOVAK”nıñ yıl axırına qadär qullanuğa kerüe kötelä”

Sälamätlek saqlaw ministrı Fahrettin Koca yaña tör koronavirusqa qarşı qamilläşterelgän cirle “TURKOVAK” vakśinasınıñ aşığış qullanu raslawı öçen möräcäğät itelüe xäbärennän soñ yasağan belderüendä proyekt êşçänlege tämamlanğan tikşerenü qamilläşterü (ARGE) citeşterü üzäge tenderınıñ aldıbızdağı könnärdä ütkäreläçäge mäğ’lümaten citkerde. Üzäk dönyada üz ölkäsendä iñ aldınğı qorılma bulaçaq.

“Watan” gazetı: “Törek bank tarmağı bik köçle”

Törkiyä Cömhüriyät Üzäk bank başlığı Şahap Kavcıoğlu bank tarmağınıñ xäzerge waqıtta Törkiyäneñ iñ köçle sektorlarınnan berse buluın belderde. Kavcıoğlu törek bank tarmağınıñ kapital tabışları, särmayä qorılışı, kliyent qıymmätläre belän dönyanıñ iñ yaxşı sektorlarınnan berse buluın äytte.

“Star” gazetı: “Ukraina: “Bez Törkiyä belän urnaştırğan xezmättäşlek töbäkneñ manzarasın üzgärtte””

Ukrainanıñ Änkara tulı wäqalätle ilçese Vasyl Bodnar, Törkiyä häm Ukrainanıñ yaqın mönäsäbätlär urnaştıruınıñ töbäkneñ manzarasın üzgärtüen häm yaña kön tärtiben buldıruın belderep, ike ilneñ barı tik üz aralarında ğına tügel, Qara diñgezgä yoğıntı yasawçı Qavqaz, Könçığış Urta diñgez, Balkan töbäklärendä dä xezmättäşlegen uylawı zarurlığına basım yasadı.

“Yäni Şafak” gazetı: “Awrupada “Galatasaray”nıñ bileğe böklänmi”

“Galatasaray” UEFA Awrupa Ligasınıñ E törkeme 5nçe atna matçında qabul itkän Franśiya wäkile “Marsilya”nı 4-2 isäbe belän ciñde häm 11 oçko belän liderlığın däwam itterde. Törkemnän çığunı garantiyälägän törek komandası soñğı atna matçında ber oçko alğan oçraqta törkemen lider bularaq tämamlayaçaq.



Bäyläneşle xäbärlär