Törek matbuğatına küzätü 24.11.2021

“Hürriyet” gazetı ilbaşı Ärdoğannıñ “Saylawlarnıñ waqıtı 2023nçe yılnıñ iyüne” süzlären alğı planğa çığara.

Törkiyä ilbaşı häm AK partiyä ğomum räise Räcäp Tayyip Ärdoğan kiçä firqaseneñ utırışında yasağan çığışında irtä saylawlar turındağı bäxäslärgä noqta quydı. Ul irtä saylawlarnıñ bulmayaçağın, anıñ üz waqıtında – 2023nçe yılnıñ iyünendä uzaçağın äytte.

“Sabah” gazetı Qara diñgez gazın çığaru belän bäyle xäbär urnaştıra.  

Törkiyä ênergetika ministrı Dönmäz Qara diñgezdä tabılğan gaz mäydanında su astına torbalarnı urnaştırıp berençe êretep yabıştırunı 2022nçe yılnıñ yazında yasayaçaqların söyläde.

“Star” gazetı xäbär itkänçä, ministr Muş Törkiyä pavil’onınıñ açılışın yasadı.

Säwdä ministrı Mäxmät Muş Törkiyäneñ Dubayda uzuçı “Êkspo 2020 Dubay” çarasında qatnaşuınıñ, älege kürgäzmägä ähämiyät birüdän tış, Berläşkän Ğaräp Ämirlekläre belän ike aradağı mönäsäbätlärneñ dä möhimlegen kürsätüen äytte.

“Vatan” gazetı yazğança, ministr Akar Somali ğomumştab başlığın qabul itte.

Törkiyä milli saqlanu ministrı Xulusi Akar Somali ğomumştab başlığı, general Odava Yosıf Ragenı qabul itte. Söyläşüdä süz ike aradağı xärbi xezmättäşlek turında bara. Ministr Akar Törkiyäneñ Somali xalqınıñ tınıçlığı, iminlege häm xozurlı tormışı öçen här’yaqlap yärdäm itäçägen belderde. 

“Yeni Şafak” gazetı “Turizmda yaz hawası: 10 ayda 21 million turist” dip yaza.

Törkiyägä ağımdağı yılnıñ berençe 10 ayında kilgän turist sanı bıltırğıdan 88%qa arttı häm 21 millionnan kübräk buldı.