Törek matbuğatına küzätü 23.11.2021

”Xäbär Törek” gazetı Törkiyä ilbaşınıň “Bez mömkinleklärdän faydalanu mäs’äläsendä qatğıy” digän süzlären uquçıları belän urtaqlaşa. İlbaşı Räcäp Tayyip Ärdoğan:”Finans krizisı belän idarä itüdä täcribäle il bularaq, böten dönya kiçergän kritik däwerdä açılğan mömkinleklärne qullanaçaqbız. İnvestiśiyälär, citeşterü, êş belän täêmin itü, êksportqa yünältelgän iq’tisadi säyäsät belän ilebez öçen iň döres bulğannı êşläyäçäkbez”,-dide.

”Vatan” gazetı “Törkiyäneň saqlanu sänäğäte Greśiya matbuğatında” dip yaza. Törkiyäneň saqlanu sänäğätendä yasağan adımnarın Greśiya yaqınnan küzätep bara. Törkiyäneň cirle häm milli texnologiyäläre Greśiya matbuğatında kiň yaqtırtılğanda, Afinanıň Törkiyäne quıp citü tırışlıqları tänqit’lände. Amerika Quşma Şatları häm Franśiyägä oçqıç, köymä zakazları birgän Afina Änkaranı quıp citä almawın aňladı. Greśiya matbuğatında “Qorallanu yarışı bezne batıraçaq” digän süzlär kürenä başladı.

”Yeni Şafak” gazetı yazğança, Afrika illäre terror oyışmalarına Törkiyäneň qorallı keşesez hawa apparatları belän höcüm itä. Marokko, Aljir, Ruanda häm Nigeriyädän soň tağın ber Afrika ile Bayraktar TB2 satıp alırğa teläk belderde. Monnan soň Niger dä “Äl Qaidä” häm “DEAŞ” terror oyışmalarına qarşı Törkiyädä êşlängän qorallı keşesez hawa apparatları häm köbäle texnika belän köräşäçäk.

”Star” gazetı “Somainıň Törkiyägä bulğan mäxäbbäte başqa “ digän yazmasında “Hear Women” isemle ictimaği oyışmanıň yuğarı däräcäle citäkçese Dega Salad başqa illär investiśiya kertü qurqınıç dip uylağanda Törkiyäneň ilbaşı Räcäp Tayyip Ärdoğan räislegendä Somaliğa barudan qurıqmawı turında yaza. Salad Törkiyädä belem alğan Somali yäş’läreneň ike il arasında duslıq mönäsäbätlären üsterüdä küper rolen uynawın äytte.

“Sabah” gazetı citkergänçä, Törkiyädä Kovid -19ğa qarşı êşlängän TURKOVAC vakśinasınıň 3 nçe êtap sınap qarawlarında 3 meň keşe qatnaşaçaq. Monıň yaqınça öçtän ike öleşe tämamlanğan. Cirle vakśinanı 2022 nçe yılda küpläp citeşterügä kereşü planlaştırıla.