Төрeк мaтбугaтынa күзәтү - Törek matbuğatına küzätü 22.11.2021

22нчe ноябрьдә бaсылып чыккaн кaйбeр төрeк гaзeтлaрынa күзәтү / 22nçe noyabrdä basılıp çıqqan qayber törek gazetlarına küzätü

1736975
Төрeк мaтбугaтынa күзәтү - Törek matbuğatına küzätü 22.11.2021

“Star” gazetı: "Törkiyädän Dendiasqa reakśiya"

Tışqı êşlär ministrlığı süzçese Tanju Bilgiç Greśiya tışqı êşlär ministrı Nikos Dendiasnıñ Törkiyä turındağı belderüenä reakśiya kürsätte. Bilgiç: "Törkiyäneñ töbägendä häm yaqın tirä-yağında tınıçlıq häm totrıqlılıq urnaştıruda uynağan töp rol’ne berniçek tä qabul itä almağan Greśiyanıñ Törkiyä belän här mäs’älädä köndäşlekkä kerergä tırışuı, xezmättäşlek urınına kiyerenkelekne saylap aluı häm Törkiyägä qarşı yasalma ittifaqlar tudırırğa tırışuı faydasız tırışular”, - dip äytte.

 

“Xäbär Türk” gazetı: “Liviyada 2 yıl buyı totqarlanıp totılğan 7 törek watandaşı Törkiyädä”

Liviyanıñ könçığışında nigezsez raslawlar belän yaqınça 2 yıl buyı totqarlanıp totılğan 7 törek watandaşı Törkiyä Milli küzläw oyışmasınıñ Qatar küzläw oyışması belän urtaq êşçänlege näticäsendä ilgä qaytarıldı. İlbaşı Räcäp Tayyip Ärdoğan öylärenä qaytqannan soñ üzläre belän telefonnan söyläşep iñ yaxşı teläklären citkerde.

 

“Sabah” gazetı: "Törek injenerları qamilläşterde, dönyada misalı yuq”

Törkiyä saqlanu sänäğätendä, bigräk tä keşesez hawa apparatı belän  keşesez qorallı hawa apparatı texnologiyasında dönyağa ürnäk bula. Keşesez hawa apparatlarınıñ testı öçen Törkiyä qamilläştergän sistema xäzerge waqıtta dönyada berençe urında. Kön’yaq Koreya Amerika Quşma Ştatlarınnan alğan keşesez hawa apparatlarınıñ testların da Törkiyädä yasatırğa teli.

 

“Yäni Şafak” gazetı: "“Türkali-2”dä rekord däräcä"                                                                

Sakar’ya gaz mäydanındağı “Türkali-2” skvajinasında ütkärelgän tabiğıy gaz testında ber köndä 650 meñ kub metr belän rekord däräcägä citelde.

 

“Xörriyät” gazetı: "650 däw köymä belän 750 meñ turist Kuşadasına kiläçäk"

Törkiyäneñ möhim turizm marşrutlarınnan Aydın vilayäteneñ Kuşadası ilçäsenä 2022nçe yılda kilü öçen 650 kruiz qorabı belän 750 meñ turist bron’ yasadı.



Bäyläneşle xäbärlär