Törek matbuğatına küzätü 19.11.2021
Qayber törek basmalarına küzätü
“Xäbär türk” gazetı yazğança Bolgariyaneñ Änkaradağı ilçese Törkiyä tışqı êşlär ministrlığına çaqırılıp, Bolgariyada saylawçılarğa Törkiyä xökümäteneñ yünäleş birüe häm êçke êşlärenä qatışuı däğwaları kire qağıldı.
Xäbärdän kürengänçä Bolgariyaneñ Änkaradağı tulı wäqalätle ilçese Angel Xristov Tçolakovka Törkiyäneñ Bolgariyadağı saylawlar qısalarında Törkiyädä tawış birü mäs’äläsendä härtörle xezmättäşlekne başqarıp, kiräkle qulaylıq täêmin itüe belderelde.
“Xörriyät” basması İlbaşı idaräseneñ Saqlanu sänägäte başlığı İsmail Demirneñ tübändäge süzlären uquçıları belän urtaqlaşa: “Bügenge köndä Törkiyä saqlanu sänägäte mäs’äläsendä dön’yaküläm täêmin itüçelär tudırğan awırlıqlarğa häm qullanğan açıq-yäşeren êmbargolarğa qaramastan milli mänfäğat’lären saqlap, üz êşlären üze başqara ala.”
“Yeni Şafak” gazetı beldergänçä Törkiyä ilbaşı Räcäp Tayyip Ärdoğannıñ söyeneçle xäbäre bulğan 4nçe zondaj köymäse 2022nçe yılnıñ berençe çiregendä inventar’ğa keräçäk.
Xäbärgä kürä soñğı texnologiyale köymä “Alparslan” isemen alaçaq. Zondaj köymäse 12 meñ 200 metrğa qadär zondaj başqara ala. 200 keşelek êkipajlı köymä 7,3 metr biyeklektäge dulqında da urınında tora.
“Star” basması citkergänçä Trakiyada tabiğıy gaz êşçänleklärendä bügengä qadär 100 million dollardan artıq investiŝiya kertkän Kanadalı ênergetika şirkäte “Valeura” Törkiyädäge investiŝiyaläre mäs’äläsendä härwaqıt dulqınlı xis itülären assızıqladı.
“Valeura”nıñ yuğarı därääle citäkçese Sian Gest Trakiyada zur miqdarda tabiğıy gaz buluına ışanuların açıqladı.
“Sabah” gazetı xäbärenä kürä belgeçlär soñğı sänägät’ citeşterüe kürsätkeçläre yaqtılığında Törkiyäneñ êksportta ber-ber artlı quyğan rekordları bulsın, êşlänmälär häm xezmät yağınnan kilüçe işarätlär bulsın, Törkiyäneñ 2021nçe yılnıñ 3nçe çiregendä 7,84%ka üsüen belderä.
