Төрeк мaтбугaтынa күзәтү - Törek matbuğatına küzätü 27.10.2021
27нчe үктәбрьдә бaсылып чыккaн кaйбeр төрeк гaзeтлaрынa күзәтү / 27nçe üktäbr’dä basılıp çıqqan qayber törek gazetlarına küzätü
“Star” gazetı: "Qarabaxta tarixi kön”
İlbaşı Räcäp Tayyip Ärdoğan Qarabaxnıñ dönyağa açılğan qapqası bılğan Fuzuli xalıqara hawa mäydanın açu tantanasında qatnaşu öçen Azärbaycanğa kitte. Ärdoğan Fuzuli xalıqara aêroportına töşkän berençe lider buldı.
“Yäni Şafak” gazetı: "İlbaşı Ärdoğan Ärmänstan belän normalläşterü şartın Qarabaxta açıqladı"
İlbaşı Ärdoğan, Törkiyäneñ töbäktä daimi tınıçlıqnıñ urnaştırıluın yaqlawın belderep: "Qardäş Azärbaycanğa böten mömkinleklärebez belän bulışunı däwam itäçäkbez”, - dip äytte. Ärdoğan Ärmänstannıñ Azärbaycan belän problemaların çişü ölkäsendä êçkersez iradäsen kürsätüeneñ zarurlığın, ul çaqta Törkiyä belän Ärmänstannıñ mönäsäbätlären cayğa saluda kirtä qalmayaçağın belderde.
“Xäbär Türk” gazetı: "Ğıyraq-Süriyä kürsätmäse Törkiyä Böyek Millät Mäclesendä qabul itelde"
Zarur bulğan oçraqta çikar’yağında xäräkät ütkärü öçen Törek qorallı köçläreneñ Ğıyraqqa häm Süriyägä cibärelüe turında İlbaşına birelgän wäqalätneñ 2 yılğa ozınaytıluına qağılışlı kürsätmä Törkiyä Böyek Millät Mäclese Ğomum şurasında qabul itelde.
“Sabah” gazetı: "UÇBÄY" täwge tapqır qullanıldı"
Mardinnıñ Artuklu ilçäse cirlegendä 23nçe üktäbr’dä täêsirsez xälgä kiterelgän 2 terrorçı İminlek ğomum mödirlege tarafınnan citeşterelgän häm berençe tapqır mäydanda qullanılğan "UÇBÄY" isemle cirle häm milli “VTOL” (vertikal’ oçıp töşüçe) keşesez hawa apparatı belän hawadan ciröste êlementlarınıñ sürateneñ tiz arada cibärelüennän soñ täêsirsez xälgä kiterelde.
“Watan” gazetı: "Milli êlektrlı poyezd öçen kön äytelde"
Êşxanädäge testları tämamlanğan milli êlektrlı poyezdnıñ kiläse yılda rel’slarda buluı maqsat itelä. Säğätenä 160 kilometr tizlekkä yaraşlı milli êlektrlı poyezd komplektlarınnan öçese kiläse yılda Törkiyä Cömhüriyäte däwlät timer yulları akśionerlıq cämğiyätenä tapşırılaçaq.
