Төрeк мaтбугaтынa күзәтү - Törek matbuğatına küzätü 18.10.2021
18нчe үктәбрьдә бaсылып чыккaн кaйбeр төрeк гaзeтлaрынa күзәтү / 18nçe üktäbr’dä basılıp çıqqan qayber törek gazetlarına küzätü
“Star” gazetı: "Törkiyäneñ “F-35”lärgä tülägän aqçağa bärabär AQŞtan yaña täq’dim"
İlbaşı Räcäp Tayyip Ärdoğan Angola başqalası Luandağa kitär aldınnan yasağan belderüendä Amerika Quşma Ştatları belän “F-16 oçqıçları mäs’äläsendä: "Yaña “F-16”larnı alıp flotıbıznı kiñäytergä telibez. AQŞnıñ “F-35” tüläwlärenä bärabär şuşındıy täq’dime buldı”, - dip äytte.
“Yäni Şafak” gazetı: "Dön’yada başqa ürnäge yuq: 65 yäş’tän ölkännär öçen maxsus aşığıç yärdäm xezmäte tözeläçäk”
Aşığış mediśina belgeçläre cämğiyäte (ATUDER) äzerlägän häm Awrupa Berlege tarafınnan qabul itelgän proyekt qısalarında Törkiyädä 65 yäş’tän ölkän watandaşlar öçen aşığış yärdäm xezmätläre buldırılaçaq. ATUDER Başlığı professor doktor Başar Candär: "Dön’yada mondıy ğamäl yuq. Törkiyädä başlatıp cibäräbez”, - dip äytte.
“Xörriyät” gazetı: “Awrupadağı maşina yörtüçe ixtıyacın qanäğätländerä alabız”
Törkiyä häm Xalıqara yök maşinaların yörtüçeläre cämğiyäte başlığı Sädat Kaplan: “Awrupadağı maşina yörtüçeläre ixtıyacın qanäğätländerä alaçaq wazğiyättä bez, çönki ilebezdä xäzerge waqıtta ölgerep citeşkän köç bar”, - dip äytte. Kaplan ışanıçlı häm üz êşen belüçe törek maşina yörtüçeläre belän şuşı soraw-taläpne qanäğätländerergä teläwlären äytte.
“Xäbär Türk” gazetı: "9 ayda 2 milliard 15 million dollarlıq yaña ölgergän ciläk-cimeş häm yäşelçä êksportı"
Törkiyäneñ bıyıl 9 aydağı 2 milliard 15 million dollar külämendäge yaña ölgergän ciläk-cimeş häm yäşelçä êksportınıñ 31%ı 627 million 442 meñ dollar belän Rusiyägä yasaldı.
“Sabah” gazetı: "THY Törek hawa yulları oçış törkemnäre qoyaştan saqlawçı krem belän tormışnı saqlıy"
Törek hawa yulları (THY) kabina êkipajı häm oçuçıları üz aralarında tözegän “Yaxşılıq dusları” platforması Senegal başqalası Dakarda qoyaştan saqlanuçı al’binizm belän awıruçı balalarnıñ yaralarına qoyaştan saqlawçı krem belän şifa buldı.
