Төрeк мaтбугaтынa күзәтү - Törek matbuğatına küzätü 15.10.2021

15нчe үктәбрьдә бaсылып чыккaн кaйбeр төрeк гaзeтлaрынa күзәтү / 15nçe üktäbr’dä basılıp çıqqan qayber törek gazetlarına küzätü

1720175
Төрeк мaтбугaтынa күзәтү - Törek matbuğatına küzätü 15.10.2021

“Watan” gazetı: "“Taliban” wäkillege Törkiyädä"

Tışqı êşlär ministrı Mäwlüt Çavuşoğlu, “Taliban” tözegän Äfğanstan waqıtlı xökümätendä tışqı êşlär ministrı wäkile bularaq wazıyfa başqaruçı Ämirxan Muttaki häm yanındağı wäkillek belän ütkärgän söyläşüdän soñ “Taliban” delegaśiyäse belän Törkiyäneñ Äfğanstanğa kürsätkän yärdämen qarap çığuların äytep: "Üzläre dä bezdän bigräk tä humanitar yärdäm, andağı investiśiyälärneñ däwam itelüe, iq’tisad, yäğ’ni üseş yärdäme ölkäsendä başqa oyışmalarıbıznıñ bügengä qadär kürsätkän yärdämnärebezneñ däwam itelüe mäs’äläsendä teläklären citkerde”, - dip belderde.

 

“Yäni Şafak” gazetı: "Akar: “Kiräk bulğan böten närsä waqıtı citkäç başqarılaçaq”"

Milli Saqlanu ministrı Hulusi Akar Süriyäneñ tön’yağınnan yasalğan “PKK/YPG” terror oyışması höcümnäre belän bäyle bularaq: "Xoquqlarıbıznı häm mänfäğätlärebezne saqlaw häm yaqlaw öçen başqarıluı zarur bulğannı, xörmätle İlbaşı Räcäp Tayyip Ärdoğan liderlığında bügengä qadär yasalğanı kebek, urını häm waqıtı citkäç şuşındıy uq räweşle yasalaçaq. Monnan berkemneñ dä şöbxäse bulmasın”, - dip äytte.

“Sabah” gazetı: "”Tulısınça bäysez saqlanu sänäğäte”nä basım yasaw"

İlbaşı Räcäp Tayyip Ärdoğan liderlığında oyıştırılğan Saqlanu sänäğäte başqarma komitetı cıyılışında cirle häm milli sistemalarğa yañaların östäw mäs’äläläre tikşerelde, “tulısınça bäysez saqlanu sänäğäte”nä basım yasaldı.

 

“Star” gazetı: "Tağın ike il Törkiyäneñ keşesez hawa apparatın satıp alırğa teli"

Êfiopiya häm Marokko “Baykar” saqlanu şirkäte êşläp çığarğan keşesez qorallı hawa apparatların satıp alu öçen möräcäğät itte.

 

“Xörriyät” gazetı: "Dön’yanıñ iñ ozın buylı xatın-qızı"

Qarabükneñ Safranbolu ilçäsendä (rayonında) yäşäwçe Rümäysa Gälgi 2 metr 15 santimetrlıq buyı belän “dönyanıñ iñ ozın buylı xatın-qızı” bularaq Ginnes rekordlar kitabına kerde.



Bäyläneşle xäbärlär