Törek matbuğatına küzätü 13.10.2021
13 nçe oktyabr' könne basılıp çıqqan qayber törek gazetlarına küzätü
”Xäbär Törek” gazetı “İlbaşı Ärdoğannan G-20 çirattan tış liderlar sammitında açıqlawlar”
Törkiyä ilbaşı Räcäp Tayyip Ärdoğan kiçä Äfganstan temalı G-20 liderlar sammitında çığış yasadı. “Xalıqara cämäğät’çelek Äfganstan xalqın üz yazmışına qaldıra almıy. Äfganstanda dialog kanalların açıq totıp Talibannı kiň qırlı idarä buldırırğa yünältergä tiyeşbez” dide ilbaşı Ärdoğan.
“Yeni Şafak” gazetı "Tışqı êşlär ministrı Mävlüt Çavuşoğlunnan Äfganstan belderüe”
Törkiyä tışqı êşlär ministrı Mävlüt Çavuşoğlu Taliban kontrole astnda bulğan Äfganstandağı soňğı wazğıyät’ xaqında belderü yasadı. Çavuşoğlu ildäge waqıyğalarnı yaqınnan küzätep baruların belderep, “Bez Qabulğa qayber illär tışqı êşlär ministrları belän barırğa uylıybız” dide.
“Hürriyet” gazetı “Törkiyä Böyek Millät Mäclese başlığı Şäntoptan İspaniyägä räxmät xatı”
Törkiyä Böyek Millät Mäclese başlığı Mostafa Şäntop İspaniya wäkillär palatası räise Meritsell Batet belän İspaniya senatı başlığı Ander Gil Garsiyağa xat cibärde. Şäntop xatında üzenä häm delegaśiyäsenä 19-21 nçe sentyabr’ könnärendä İspaniyägä säfäre waqıtında kürsätkän qunaqçıllıq öçen räxmät belderde.
“Vatan” gazetı “Sänäğät’ citeşterü kürsätkeçläre açıqlandı”
Törkiyä statistika oyışması kiçä avgust ayına qağılışlı sänäğät’ citeşterü indeksı näticälären açıqladı. Älege mäğ’lümatlardan kürengänçä, sänäğӓt’ citeşterü indeksı avgustta aylıq bazada 5,4%qa, yıllıq bazada 13,8%qa arttı.
“Star” gazetı "IMF Törkiyäneň üseş farazın açıqladı”
Xalıqara valyuta fondı IMF 2021 nçe yılğa Törkiyä iq’tisadınıň üseş farazın 5,8%tan 9%qa kütärde, 2022 nçe yılğa isä 3,3% itep qaldırdı.
