Törek matbuğatına küzätü 11.10.2021

11nçe oktyabr' könne çıqqan qayber törek gazetlarına küzätü

1717551
Törek matbuğatına küzätü 11.10.2021

“Vatan” gazetı “Törkiyä yäşel kütärelü inqıylabı başladı” dip yaza.

Törkiyä ilbaşı Räcäp Tayyip Ärdoğan ilneñ, Parij klimat kileşüenä qul quyıp, yäşel üseş inqıylabı başlawın belderde. “Törkiyä koronavirus çorında köçle sälamätlek saqlaw asqorması nigezendä niçek üzen başqa däwlätlärdän ayırıp kürsätsä, yäşel üseş prośessı belän klimat üzgärü çorında da şundıy uq uñışqa ireşäçäkbez,”-dide ul

“Yeni Şafak” gazetı Ärdoğannıñ Afrika turına çığaçağın citkerä.

İlbaşı Ärdoğan 17nçe oktyabr’dän başlap 4 kön buyı Afrikada gizäçäk. Anıñ êşlekle säfäre Angola, Nigeriya häm Togonı üz êçenä ala. Öçençe Törkiyä – Afrika xezmättäşlek sammitı isä 17nçe-18nçe dekabr’ könnärendä İstanbulda uzaçaq.

“Hürriyet” gazetı Törkiyäneñ Yämäñdäge höcüm belän bäyle belderüenä urın birä.

Tışqı êşlär ministrlığı Yämänneñ Aden gubernatorı Äxmät Xamed Lamlasnıñ konvoyına yasalğan bombalı höcüm säbäple ğayepläw häm qayğı urtaqlaşu belderüe yasadı. Anda ülüçelär häm yaralanuçılar öçen ärnü citkerelä. “Bu qurqınıç höcümne ğayeplibez , ğomere özelüçelärgä Allahtan yarlıqaw, yaralanuçılarğa – şifalar telibez, dus häm qardäş Yämän xalqı häm xökümäteneñ qayğısın urtaqlaşabız,-diyelä belderüdä.

“Sabah” gazetı “Taw sänäğate tarmağınıñ êksport rekordı” turında yaza

Törkiyä dön’yada çığarıluçı 90 mineral töreneñ 80enä iyä, 650 tördäge märmär belän 150 tördäge tabiğıy taş biredä tabıla. İl taw êşkärü tarmağında êksport rekordı yasawın säwam itä. Barı tik sentyabr’dä çitkä 584 million dollarlıq sattılar.    

“Haber Türk” gazetı Formula 1neñ Törkiyä Gran-Priyendäge täêsirlär belän urtaqlaşa.

Yañğır säbäple yarışçılar qayçaq awır mizgellär kiçersä dä, İstanbul Parktağı uzışlar soqlandırğıç ide. Tribunalardağı yaqınça 80 meñ tamaşaçı mawıqtırğıç küreneşlärgä şahit buldı. Berençelekne alğan Mersedes pilotı Valtteri Botasqa kuboknı Törkiyä parlamentı spikerı Mostafa Şäntop tapşırdı.



Bäyläneşle xäbärlär