Törek matbuğatına küzätü 07.09.2021
7 nçe sentyabr' könne basılıp çıqqan qayber törek gazetlarına küzätü
“Xäbär Törek” gazetı yazğança, Törkiyä ilbaşı Räcäp Tayyip Ärdoğan kiçäge kabinet cıyılışınnan soň yasağan belderüendä iq’tisadi täräqqiyät’lärgä tuqtaldı. Ärdoğan:” İq’tisadıbız özleksez üsä. Uzğan yıl 93 milliard 300 million dollar belän yabılğan valyuta rezervlarıbız 27 nçe avgustqa 118 milliard dollardan arttı” dide.
“Xörriyät” gazetı Törkiyä êçke êşlär ministrı urınbasarı İsmail Çataklınıň äfgan qaçaqlar xaqındağı belderüen uquçıları belän urtaqlaşa. “Törkiyägä Äfganstannan kilgän migrantlar sanında uzğan yıllar belän çağıştırğanda artu, soňğı waqıyğalar arqasında ğadäti bulmağan artış, ilebez çiklärendä törkemnär xälendä yaňa migraśiya dulqını xäzerge waqıtta yuq” dide İsmail Çataklı.
“Star” gazetı Törkiyä avgustta İspaniyağa başqarğan êksportta ber aylıq bazada rekord quydı dip citkerä. Älege ilgä avgust ayında 807 million 100 meň dollar külämendä êksport yasaldı. Bu isä uzğan yılnıň şul uq ayı belän çağıştırğanda 45,7%qa kübräk.
“Vatan” gazetı Törek hawa yulları aviakompaniyäseneň Awrupada ikençe buluın xäbär itä. Awrupa hawa navigaśiyӓse qurqınıçsızlığı oyışması Yevrokontrol’ mӓğ’lümatları buyınça, Törek hawa yulları (THY) aviakompaniyӓse 30 nçı avgust – 5 nçe sentyabr’ könnӓrendӓ köndӓlek 1 meň 297 oçıış başqarıp Awrupada ikençe buldı.
”Sabah” gazetı Törkiyäneň milli futbolçısı Burak Yılmaznıň Franśiyädä üz isemen kön tärtibendä totunı däwam itüen yaza. 36 yäş’lek Burak Yılmaz üze uynağan “Lill” komandasında ay uyınçısı bulıp saylandı.
