Төрeк мaтбугaтынa күзәтү - Törek matbuğatına küzätü 03.09.2021
3нчe сентябрьдә бaсылып чыккaн кaйбeр төрeк гaзeтлaрынa күзәтү / 3nçe sentyabrdä basılıp çıqqan qayber törek gazetlarına küzätü
“Xörriyät” gazetı: “Ministr Çavuşoğlunnan Qabul hawa mäydanı açıqlawı”
Tışqı êşlär ministrı Mäwlüt Çavuşoğlu kiçä yasağan belderüendä Qabul hawa mäydanınıñ êşlätelüe belän bäyle bularaq: "“Taliban”nan häm qayber illärdän bezneñ belän xezmättäşlek mäs’äläsendä taläplär bar. Bolarnıñ barısın bäyälibez. Härkem imin bulaçaq räweştä qurqınıçsızlıqnıñ täêmin itelüe kiräk. Monı “Taliban”ğa citkerdek”, - dip äytte.
“Sabah” gazetı: “Ömär Çälik migraśiya dulqınına qarşı xalıqara cämäğätçelekne kisätte”
“Ğadälät häm qalqınu” partiyası süzçese Ömär Çälik kiçä Äfğanstandağı soñğı wazğiyätkä tuqtalıp uzdı häm yäşänä alınaçaq migraśiya dulqınına qarşı xalıqara cämäğätçelekne kisätte. Çälik Törkiyäneñ tağın ber qaçaqlar ağımın üz östenä alaçaq köçeneñ bulmawına basım yasadı.
“Star” gazetı: “Şäyex Möxämmäd: “Texnik yärdäm mäs’äläsendä Törkiyä belän bergä êşlibez””
Qatar tışqı êşlär ministrı Şäyex Möxämmäd bin Abdurrahman Al Sani: “Qabul hawa mäydanınıñ yañadan açıluı öçen Törkiyä belän bergä êşlibez”, - dip äytte.
“Yäni Şafak” gazetı: “Êksport sannarı açıqlandı”
Säwdä ministrı Mäxmät Muş avgustta êksportnıñ uzğan yılnıñ şul uq ayına qarağanda yaqınça 52% artış belän 18 milliard 900 million dollarğa citüen belderep: "Bu san belän iñ yuğarı avgust ayı êksport miqdarına ireştek. Ayıruça soñğı 12 aylıq êksport qıymmätebezdä dä 207 milliard yarım dollar belän yaña cömhüriyät rekordı quyıldı”, - dip äytte.
“Xäbär Türk” gazetı: “Kuşadası portına 16 aydan soñ berençe kruiz korabı tuqtaldı”
Yaña tör koronavirus (Kovid-19) kizüe arqasında birelgän aradan soñ Aydın Kuşadası Ägäy portı berençe kruiz köymäsen qabul itte. Bagamı bayraqlı "Blue Sapphire" köymäsendäge kübese Rusiyä watandaşı 450 yulçı xalıq biyüläre törkemnäre tarafınnan qarşı alındı.
