Төрeк мaтбугaтынa күзәтү - Törek matbuğatına küzätü 01.09.2021
1нчe сентябрьдә бaсылып чыккaн кaйбeр төрeк гaзeтлaрынa күзәтү / 1nçe sentyabrdä basılıp çıqqan qayber törek gazetlarına küzätü
“Xörriyät” gazetı: "Ärdoğannıñ “İHA, SİHA häm Akıncı”ğa iğtibarı"
İlbaşı Räcäp Tayyip Ärdoğan İstanbulda ber tantanada yasağan çığışında monnan arı İHA, SİHA häm “AKINCI”ğa iyä buluıbıznı belderep: "Bez monnan arı qapqalarda telänçe tügel, näq kiresençä xäzer härkem bezdän sorıy. Azärbaycanda keşesez qorallı hawa apparatlarıbız belän buldıq, Liviyada buldıq. Monnan soñ da berkemneñ qapqasında telänçe bulmayaçaqbız”, - dip äytte.
“Sabah” gazetı: "Tağın ber il çiratqa bastı"
Azärbaycan, Qatar, Ukraina häm Tunis belän NATO ile Pol’şadan soñ Ğıyraq ta Törkiyäneñ keşesez qorallı hawa apparatların soradı. Ğıyraq saqlanu ministrı Cuma İnad “Bayraktar TB2”, “T129” “ATAK” boralağın häm aldınğı qorallardan satıp alırğa teläwlären äytte.
“Star” gazetı: "Törkiyäneñ çitkä bäylelegen beteräçäk açışta zur söyeneç"
Törkiyä neft’läre aksionerlıq cämğiyäteneñ sośial’ media akkauntınnan citkerelgän yazmada: "Sakar’ya gaz mäydanındağı Türkali-2 qoyısında 2nçe saqlağıç däräcäsendä uzdırılğan qoyı ağımın sınap qarawnı da uñışlı tamamladık," – dip äytelde.
“Yäni Şafak” gazetı: "Dön’yanı äylände, şifanı törek tabiblärendä taptı"
Däwalanu öçen Germaniya, Amerika Quşma Ştatları kebek dönyanıñ şaqtıy ilenä barğan skolioz belän awırtuçı 13 yäşendäge ingliz biyüçese Olivia Buckley çaranı törek tabiblärennän taptı. Cıyğan yärdäm açqası yärdämendä Angliyadan Törkiyägä däwalanu öçen kilgän yäş’ biyüçe yasalğan uñışlı operaśiyädän soñ invalid kolyaskası belän kergän xastaxanädän biyep çığaçaq.
“Xäbär Türk” gazetı: "Filäneñ Soltannarı yarım finaldä"
"Filäneñ Soltannarı" Awrupa çempionatınıñ çirek finalendä Pol’şanı 3-0 isäbe belän ciñep, yarım finalgä uzdı! Turnirdağı cide matçın da ciñgän törek komandası 3nçe sentyabr’däge yarım finaldä Serbiya-Franśiya matçınıñ ciñüçese belän oçraşaçaq.
