Төрeк мaтбугaтынa күзәтү - Törek matbuğatına küzätü 30.07.2021
30нчы июльдә бaсылып чыккaн кaйбeр төрeк гaзeтлaрынa күзәтү / 30nçı iyüldä basılıp çıqqan qayber törek gazetlarına küzätü
“Sabah” gazetı: “Azärbaycan belän Törkiyäne totaştıraçaq koridor”
“Ğadälät häm qalqınu” partiyası ğomum başlığı wäkile Numan Kurtulmuş Azärbaycannı törki dönyağa häm Törkiyägä bäyläyäçäk Zängäzur koridorınıñ bik kritik ähämiyätkä iyä buluın belderde. Kurtulmuş: “Bu koridor tormışqa aşırılğan çaqta barı tik Baqığa ğına tügel, törki cömhüriyätlärgä dä özleksez transport mömkinlege bulaçaq”, - dip äytte.
“Xörriyät gazetı: “Törkiyä Liviyada bäxässez aktyorlardan berse”
Awrupa Berlegeneñ tışqı mönäsäbätlär häm iminlek säyäsäte yuğarı wäkile Josep Borrell İspaniyanıñ “El Pais” gazetına birgän äñgämäsendä Törkiyäneñ Liviyada möhim aktyorğa äylänüen belderde. Liviyada Törkiyä diñgez bazalarınıñ buluına basım yasawçı Borrell: “Bu da Törkiyäneñ Urta diñgez aşa da immigraśiyağa yoğıntısı bulacağı mäğ’näsenä turı kilä”, - dip äytte.
“Yäni Şafak” gazetı: “Äfğan küçenüenä qarşı 3 çara”
Äfğanstan immigraśiyäsenä qarşı çik buyındağı çaralar köçäytelgän bulsa, Törek qorallı köçläre öç êtaplı iminlek sistemasın başqara. Berençe êtapta küzätü, kontrol’, patryul’, ikençe êtapta totqarlaw, öçençe êtapta isä totıp alu, deportaśiyäläw häm xoquqi prośedura bar. İminlek çığanaqları Äfğanstan qaçaqları belän bäyle bularaq sośial’ mediada çıqqan fotosürätlärneñ kübeseneñ yaña bulmawın yäki Törkiyä çiklärendä bulmawın belderde.
“Star” gazetı: “Tabiğıy gazda yaña söyeneç mizgel mäs’äläse”
Tabiğıy gaz açışları belän bäyle belderü yasawçı Ênergetika häm tabiğıy çığanaqlar ministrı Fatih Dönmäz: “10 yıl bezgä citäçäk qadär gaznı biredä (Qara diñgezdä) taptıq. Açışlar däwam itä häm bez ömetle. Yılnıñ axırında yäki aldıbızdağı yılnıñ başında da söyeneç belän urtaqlaşa alırbız. Maqsatıbız ênergetikada çitkä bäylelekne beterü”, - dip äytte.
“Watan” gazetı: “Törkiyäneñ yaña köçe “Sancak””
Amerikan saqlanu xäbär saytlarınnan “Defense News”ta çıqqan xäbärdä Törkiyä tarafınnan qamilläşterelgän “SANCAK”nıñ östen säläte tanıtıldı. Yazmada sistemanıñ ciröstennän, hawadan häm yaqın aradan vertikal’ dulqınnar belän tämektäge cihazlarnıñ signalların boza aluına häm êlemtäne butıy aluına iğ’tibar yünältelde. “Sistema yuğarı yışlıqqa iyä cihazlarnı bloklawğa yünälgän. Bu räweşle tämektäge cihazda yalğış mäğ’lümat citkerelüe buldırılıp, dus xärbi berlekläreneñ taktika mäydanında östenlekne aluı täêmin itelä”, - dip äytelde.
