Törek matbuğatına küzätü 28.07.2021

“Star” gazetı  ilbaşı Ärdoğannıñ süzläre belän “Maqsat  500 million dollarğa citkerü” dip yaza

Törkiyä ilbaşı Räcäp Tayyip Ärdoğan Angola liderı Joau Manuêl’ Gonsalveş Laurensu belän oyıştırğan matbuğat oçraşuında ike däwlät arasındağı säwdä äyläneşeneñ bik tübän buluın belderde. “Xäzerge waqıtta säwdä äyläneşe 176 million dollar. İke köçle däwlät öçen bu kürsätkeç bik az. Maqsatıbız berençe êtapta 500 million dollarğa citü,”-dide Törkiyä ilbaşı.

“Yeni Şafak” gazetı Amerikanıñ “Forbes” jurnalında Törkiyä dronnarı turındağı yazmanı kön üzägenä çığara.

Anda keşesez hawa apparatları tarmağında Törkiyäneñ zur êksport bazarı barlıqqa kiterüe yazıla. Dronnarnı NATO äğ’zaları häm Awrupa däwlätläreneñ bik teläp aluına da iğ’tibar cälep itelä.

“Vatan” gazetı Törkiyäneñ İran çigendä xäräkätkä kereşüen citkerä.

Van gubernatorı Mäxmät Ämin Bilmäz migraśiyä basımınıñ artuınnan soñ Törkiyä belän İran çik iminlegen täêmin itü, qanunsız ütep kerülär häm kontrabanda êşçänlegen kirtäläw, terrorçılarnıñ qaçıp kerüenä yul quymaw maqsatınnan 295 çaqrım çik sızığına tulısınça divar kütäreläçägen belderde.   

“Hürriyet” gazetı  “Dön’yadağı berençe yılmayuçı emodji kürsätelä” dip xäbär itä.

Törkiyäneñ Gaziantep töbägendä Süriyä çik buyına yaqın Karkamış rayonındağı antik qalada östendä yılmayu sürätlängän su şeşäse tabıldı. 3 meñ 700 yıllıq sawıttağı bu räsem dön’yadağı täwge yılmayuçı êmodji bularaq belderelde. Anı Gaziantep arxeologiya muzeyına kürgäzmägä quydılar.

“Sabah” gazetı Antaliyägä 9 köndä kilgän turist sanı belän şaqqattıra.

 Antaliyägä 17nçe iyül’dän 25enä qadär Rusiyä, Germaniyä, Ukraina, Pol’şa, Qazaqstan häm başqa däwlätlärdän 562 meñ 907 çit il turistı kilde