Төрeк мaтбугaтынa күзәтү - Törek matbuğatına küzätü 25.06.2021
25нче июньдә бaсылып чыккaн кaйбeр төрeк гaзeтлaрынa күзәтү / 25nçe iyündä basılıp çıqqan qayber törek gazetlarına küzätü
“Xörriyät” gazetı: "BMOdan Törkiyä çaqıruı"
Berläşkän Millätlär Oyışmasınıñ xalıqara migraśiya oyışması direktorı Antonio Vitorino iñ küp sıyınuçılarnı qabul itkän Törkiyä kebek illär öçen "tağın da kübräk teläktäşlek häm cawaplılıq kürsätü” çaqıruın yasadı.
“Sabah” gazetı: "Törkiyädän Liviyağa daimi Ro-Ro säfärläre başlandı"
“Karanfil Group” şirkätlärennän “KRN Lines” ike yaqlı säwdä külämeneñ arttırıluı maqsatınnan çığıp bügengä çaqlı barı tik sınap qaraw maqsatı belän başqarılğan Ro-Ro säfärlären daimi yasıy başladı.
“Yäni Şafak” gazetı: "İke ildän 8 millionğa yaqın turist kiläçäk"
Rusiyädän çikläwlärneñ beterelüe belän başlanğan turist ağımı turizm tarmağın şatlandırdı. Hawa xäräkäte 45%qa artıp, qunaqxanädäge bron’när bik küpkä citte. Bıyıl yıl axırında Rusiyädän kilüçelärneñ tuplam sanınıñ 4 million, 4 million yarım, Germaniyadan kiläçäk turistlarnıñ isä 2 million yarım belän 3 million tiräsendä bulaçağı kötelä.
“Vatan” gazetı: "“SunExpress”nıñ Antaliyadan häm İzmirdän Jeneva oçışları başlana"
Törek hawa yulları (THY) häm “Lufthansa”nıñ urtaq aviakompaniyası bulğan “SunExpress” 27nçe iyün’dä Antaliyadan häm 2nçe iyül’dä İzmirdän Şveyśariyanıñ Jeneva şähärenä turıdan-turı daimi oçışlarına başlıy.
“Star” gazetı: "“Grizu-263 ğaläm taqımı” AQŞtağı model’ iyärçen bäygesendä üzen kürsätte"
Zonguldak Bülänt Äcävit universitetınıñ injenerlıq fakultetı studentlarınnan torğan “Grizu-263 ğaläm taqımı” Amerika Quşma Ştatlarında ütkärelgän “Cansat Competition” model’ iyärçen bäygesendä dürtençe bulunıñ ğorurlığın yäşi.
