Төрeк мaтбугaтынa күзәтү - Törek matbuğatına küzätü 13.05.2021

“Star” gazetı: "İlbaşı Ärdoğan: “İslam doşmanlığı virusı bigräk tä Awrupada tiz cäyelä"

İlbaşı Räcäp Tayyip Ärdoğan: "Berläşkän Millätlär Oyışması mömbärennän yıllar buyı äytep kilgän “Dön’ya 5tän zurraq” çaqıruıbıznıñ döreslegen bergä kürdek”, - dip äytte. Yaña tör koronavirus qadär qurqınıç bulğan İslam doşmanlığı virusınıñ bigräk tä Awrupa illärendä tiz cäyelüen belderüçe Ärdoğan: "6 millionı törek buluı belän bergä 35 million möselman yäşäwçe Awrupa bügen qardäşlärebez öçen tora-bara öste açıq açık törmägä äylänä”, - dip äytte.

“Sabah” gazetı: "İslam xezmättäşlek oyışması Törkiyä iniśiativası belän cıyıldı"

İslam xezmättäşlek oyışmasınıñ wäkillär komitetı Törkiyäneñ kereşüläre belän 11nçe mayda cıyıldı. Cıyılış axırında İzrailneñ höcümnäre gäyeplände. Xalıqara saqlaw täêmin itelergä häm İzrailne êşlägän cinayätlärennän cawaplı totarğa çaqırıldı.

“Yäni Şafak” gazetı: "Fälästinneñ Törkiyäneñ prioritetlarınnan berse buluın tağın ber qat kürdek"

Qudüsne saqlaw wäkillege başlığı Nasır Äl Hidmi: ''Fälästinneñ Törkiyäneñ prioritetlarınnan berse buluın tağın ber qat kürdek”, - dip äytte. Törkiyäneñ bu mäs’älädä xalıqara cähättän härdaim äydäp baruın äytüçe Hidmi: ''Törkiyägä häm İlbaşı Ärdoğanğa räxmätläremne citkeräm”, - dip belderde.

“Watan” gazetı: "Ber komplektta beryulı 12 raketa"

İlbaşı idaräseneñ saqlanu sänäğäte başlığı İsmail Dämir, "“BMC”dä êşläp çığarılğan “Vuran” maşinasına integraśiyälängän 107 millimetr küp köpşäle raketa caylanması test atışında tämekne uñışlı bärde. Ber komplektta 12 raketa atqan caylanma Törek qorallı köçläreneñ boyırığında”, - dip äytte.

“Xörriyät” gazetı: "Toraq satışları aprel’dä 124%qa arttı"

Törkiyä külämendä aprel’ ayında 95 meñ 863 toraq satıldı. Uzğan yılğa qarağanda satu küläme 124%qa arttı. Çit il keşelärenä satılğan toraq monnan aldağı yılnıñ şul uq ayına qarağanda 416,1%qa artıp 4 meñ 77 buldı.