Törek matbuğatına küzätü 11.05.2021

Qayber törek basmalarına küzätü

1637847
Törek matbuğatına küzätü 11.05.2021

“Xörriyät” gazetı yazğança İzrail Fälästindä başqarğan cinayät’ dön’yanıñ kön tärtibendä bulsa da, illärneñ ğayepläw yullamarı kön tärtibendä tügel. Törkiyä ilbaşı Räcäp Tayyip Ärdoğan Qudüs häm Ğazzädäge küpläp üterüne tuqtatu öçen êşkä kereşte. İlbaşı başta Yordaniya patşası Abdullah II, annarı Kuveyt Ämire belän telefonda söyläşte.

“Sabah” basması beldergänçä Êlemtä idaräse başlığı Faxrettin Altun Törkiyä ilbaşı Räcäp Tayyip Ärdoğannıñ Berläşkän Millätlär Oyışması belän bergä barlıq xalıqara oyışmalar häm dön’ya däwlätläre iğtibarın İzrail terrorçılığına yünältä aluın belderde.

“Xäbär türk” gazetı xäbärenä kürä Törkiyä Böyek Millät Mäclesendä Ğadälät häm qalqınu partiyase, Cömhüriyät Xalıq partiyase, Xalıqlarnıñ demokratik partiyase, Millätçe xäräkät partiyase häm Yaxşı partiyaneñ Mäclestäge törkemnäre urtaq belderge açıqlap, İzrailneñ Äl-Aqsa mäçetenä qarata höcümnären ğayepläde.

“Yeni Şafak” basması citkergänçä İzrailneñ Fälästin häm Äl-Aqsa mäçetenä oyıştırğan höcümnärenä qarşı törek xalqı çaralar oyıştırdı. Şaqtıy vilayättä meñnärçä keşe İzrail poliŝiyaseneñ fälästinlelärgä höcüm itüenä reakŝiya belderep, maşinalar belän konvoy barlıqqa kiterde.

“Star” gazetı yazğança Törkiyäneñ Tripolidağı ilçese Kenan Yılmaz Törkiyä häm Liviya arasındağı ike yaqlı mönäsäbätlärneñ yaxşı däwam itäçägen häm Liviyada törek êşmäkärläre aldında zur forsatlarnıñ buluın äytte.



Bäyläneşle xäbärlär