Törek matbuğatına küzätü 29.04.2021

Qayber törek basmalarına küzätü

1630525
Törek matbuğatına küzätü 29.04.2021

“Star” gazetı yazğança Azärbaycan däwlät başlığı İlham Aliyev AQŞ däwlät särqätibe Êntoni Blinken belän telefonnan söyläşte. Aliyev söyläşüdä AQŞ ilbaşı Djo Baydennıñ 1915 yılğı waqıyğalarnı genoŝid dip atawına tuqtalıp: “Törkiyä – Azärbaycannıñ yaqın dustı häm berlektäşe. Suğıştan soñğı çorda töbägebezdä bik möhim häm uñay rol’ uynıy. AQŞ ilbaşınıñ bu açıqlawı Azärbaycan citäkçelege häm cämäğat’çelegen tınıçsız itte,” – dide.

“Xäbär türk” basması beldergänçä Tön’yaq Kipr Törek Cömhüriyäte däwlät başlığı Êrsin Tatar Kiprda daimi çişeleş öçen 6 maddädän toruçı täqdimne Berläşkän Millätlär Oyışması ğomüm särqätibe Antonio Guterreşqa täqdim itte.

Xäbärgä kürä täqdimdä Kipr törek xalqınıñ möstäqıyl’ tiñlek häm tiñ xalıqara statusın tanu çınlıqçı häm däwam itterelä alına torğan çişeleşkä yünälgän söyläşülärneñ yulın açaçaq.

“Yeni Şafak” gazetı citkergänçä Törkiyäneñ Sälamätlek saqlaw ministrı Faxrettin Koca koronavirusqa qarşı alıp barıluçı cirle vakŝina êşçänlege xaqında mäğlümat birde.

Xäbärdä ministrnıñ tübändäge süzläre urın ala: “Cirle vakŝina êşçänlekläre soñğı êtapta. Kiläse berniçä köndä 3nçe faza sınap qarawlarına äzerlek başlanaçaq.”

“Watan” basması beldergänçä Al-Monitor xäbär säxifäse Törkiyäneñ Anadolu amfibiya höcüm köymäsen qorallı keşesez hawa apparatı köymäsenä äyländerüen yazdı. Xäbärgä kürä köymäneñ qorallı keşesez hawa apparatına äylänüe berençe tapqır kürelä. Köymäneñ 2023 yılda qullanıla başlanuı kötelä.

“Xörriyät” gazetı yazğança Formula 1 11-12-13 iyun’ könnärendä İntercity İstanbul Parkında oyıştırılaçaq. Yarışnı bar dön’yada qarap barğannan, pilotlar häm taqımnar Törkiyäne maqtağannan soñ Formula1 bıyıl da Törkiyädä uzaçaq.



Bäyläneşle xäbärlär