Törek matbuğatına küzätü 28.04.2021

“Xörriyӓt” gazetı kiçӓ Törkiyӓ Böyek Millӓt Mӓclese ğomum şurasında Amerika Quşma Ştatları ilbaşı Djo Baydennıň 1915 nçe yıl waqıyğaların “genośid” bularaq taswirlawın ğayeplӓw hӓm kire qağuğa qağılışlı belderge qabul itelüe turında yaza. “AQŞ ilbaşı Baydennıň 24 nçe aprel’dӓ yasağan açıqlawı belӓn 1915 nçe yılğı waqıyğalar belӓn bӓyle ӓrmӓn lobbiseneň dӓğ’waların üz êçenӓ alğan tezislarnı yaqlawın ,Törkiyӓ Böyek Millӓt Mӓclese bularaq , kisken rӓweştӓ ğayeplibez , nigezsez yala yağularnı kire qağabız” diyelӓ beldergedӓ.

”Sabah” gazetı “Ğadӓlӓt hӓm qalqınu” partiyӓese süzçese Ömӓr Çelikneň kiçӓ üzӓk qarar hӓm idarӓ şurası cıyılışınnan soň AQŞ ilbaşı Djo Baydennıň 1915 nçe yıl waqıyğaları öçen “genośid” süzen qullanuğa rekśiya belderüen citkerӓ. “Xoquqıy nigez belӓn bernindi bӓylӓneşe bulmağan xӓl belӓn oçraştıq.Tulısınça yalğış hӓm kire qağılırğa tiyeşle ğıybarӓ” dide Ömӓr Çelik.

”Vatan” gazetı yazğança, Törkiyӓ mӓdӓniyӓt hӓm turizm ministrı Mӓxmӓt Nuri Êrsoy kiçӓ Antalyada Ukraina mӓdӓniyӓt hӓm mӓğ’lümat sӓyӓsӓte ministrı Aleksandr Tkaçenko belӓn oçraştı. Törkiyӓ ministrı may azağına qadӓr turizm tarmağı xezmӓtkӓrlӓrenӓ koronavirustan privivka yasalaçağın belderde. Anıň ӓytüençӓ, qurqınıçsız, ışanıçlı turizm sertifikatı bulğan êş urını sanı 10 meňnӓn artıp kitte. 

”Star” gazetı Törkiyӓ saqlanu sӓnӓğӓte cirle hӓm milli mömkinleklӓr belӓn êşlӓp çığarğan tank taşuçınıň Tön’yaq Makedoniya armiyӓsenӓ tapşırıluın uquçıları belӓn urtaqlaşa. Tön’yaq Makedoniyӓne Törkiyӓ öçen Balkandağı möhim partnyer itep kürülӓrenӓ basım yasağan Törkiyӓneň Öskeptӓge tulı wӓqalӓtle ilçese Xӓsӓn Mӓxmӓt Sekizkök “Bez küp yaqlı mönӓsӓbӓtlӓrne barlıq ölkӓlӓrdӓ urtaq tırışlıqlarıbız belӓn üsterüne maqsat itep quyabız”dide.

 “Xӓbӓr Törek” gazetı yazğança, Törkiyӓneň diňgez produktları êksportı uzğan yıl 1 milliard dollardan arttı. 2020 nçe yılda iň yuğarı êksport  133 million 78 meň dollar belӓn Niderlandqa başqarıldı, iň küp import  48 millon 334 meň dollar belӓn Norvegiyӓdӓn yasaldı.