Törek matbuğatına küzätü 21.04.2021

“Sabah” gazetı Şveśiyä ilçeseneñ tışqı êşlär ministrlığına çaqırıluın citkerä.

Moña Şveśiyä tışqı êşlär ministrı Ann Lindenıñ terrorçılar belän söyläşüennän soñ bu yulı saqlanu ministrı Piter Xultkvistnıñ terrorçılarnıñ atamannarı belän videoêlemtä aşa fiker alışuı säbäpçe buldı. Şveśiyäneñ Törkiyädäge ilçesen tışqı êşlär ministrlığına çaqırıp bu oçraqlarğa kisken tänqıyt’ belderelde. Törkiyäneñ DEAŞ häm PKK terrorçı oyışmaları belän köräşeneñ nıqlı räweştä däwam itäçäge citkerelde.  

“Hürriyet” gazetı Qara diñgezdän çığarılaçaq gaz turında yaza.

Törkiyä ênergetika häm tabiğıy çığanaqlar ministrı Fatix Dönmäz Qara diñgezdä tabılğan gaznıñ berençe fazın 2023nçe yılğa qadär citeşterü öçen êşçänleklärneñ baruın belderde.

“Haber Türk” gazetı 2020nçe yılğı balalar statistikasın citkerde.

Törkiyä statistika oyışması 2020nçe yılğı kürsätkeçlärne  açıqladı. Annan kürengänçä, uzğan yıl axırına Törkiyädä keşe sanı 83 million 614 meñ 362 bularaq terkälgän. Şularnıñ 22 million 750 meñnän artığı balalar.  

“Star” gazetında Törkiyäneñ qorallı hawa apparatları turında yazma urın ala.

İspaniyäneñ “El Periodico” gazetı älege apparatlarnıñ suğışnıñ tabiğaten üzgärtüen citkerä. Anda yazılğança, Törkiyäneñ dronnarı Rusiyäneñ saqlanu sistemaları häm Äsäd rejimınıñ bik küp tankın täêsirsez xälgä kiterep Süriyädä utnı tuqtatırğa mäcbür itte.

“Vatan” gazetı Söläyman Atlınıñ Awrupa köräş çempionatında altın medal’ yawlawın xäbär itä.

Ul 57 kiloda irekle stil’dä Rusiyädän kilgän köndäşe Naçin Monguştan östen çığıp ciñü yawladı.