Törek matbuğatına küzätü 20.04.2021
20 nçe aprel' könne basılıp çıqqan qayber törek gazetlarına küzätü
“Xӓbӓr Törek” gazetı “Ğadӓlӓt hӓm qalqını “ partiyӓse süzçese Ömӓr Çelikneň Greśiyӓneň qaçaqlarğa qarata totışın tӓnqıyt’lӓp ӓytkӓn tübӓndӓge süzlӓren citkerӓ: “Greśiya yar buyı qurqınıçsızlığı törkemnӓre benzin tügep, alarnı yandırırğa tırıştılar hӓm bu rӓweşle küplӓp üterü başqarırğa mataştılar. Qaharmannarıbız anda bulmasa bu keşelӓr barısı da Urta diňgezdӓ ülӓçӓk ide. Sez demokratiyӓgezne başta Urta diňgez sularınnan qotqarığız , annan soň söylӓşegez”.
”Star” gazetı Törek Qorallı Köçlӓre öçen êşlӓngӓn hӓm 15 minutta urnaştırıla torğan ballistik komandirlıq hӓm kontrol’ konteyner bazasınıň NATO xӓrbi künegülӓrendӓ yuğarı bӓyӓ aluı turında yaza. Baza yuğarı dӓrӓcӓdӓ saqlawı , küzlӓw asqorması hӓm xӓrӓkӓtçӓnlege belӓn iminlek köçlӓrenӓ xezmӓt itӓ.
“Sabah” gazetı Törkiyӓ ênergetika hӓm tabiği çığanaqlar ministrı Fatix Dönmӓzneň qorılğan köç êçendӓge yaňartıla ala torğan ênergiya külӓmeneň 100%qa yaqınayuın belderep , “Berençe 3 ayda aktivlaştırılğan qorılğan köçneň 97,9%ın yaňartıla ala torğan ênergiya çığanaqları tӓşkil itte” digӓn süzlӓren uquçıları belӓn urtaqlaşa.
”Yaňa Şafak” gazetı Rusiya turoperatorları assośiyaśiyӓse başlığı Maya Lomidzeneň aprel’ ayında Rusiyӓdӓn Törkiyӓgӓ reyslarnıň tuqtatıluı arqasında Törkiyӓdӓ yal itӓrgӓ telӓwçelӓrneň kübeseneň başqa cirne saylamawların , Törkiyӓgӓ kilü öçen aldağı aylarnı kötülӓre turında ӓytüen citkerӓ.
“Xörriyӓt” gazetı yazğança, Törkiyӓ Futbol Federaśiyӓse qayber Awrupa klubları tarafınnan barlıqqa kiterelüe iğ’lan itelgӓn Awrupa Super liga proyektı belӓn bӓyle waqıyğalarnı borçılıp küzӓtülӓren belderep, “Bez dönya futbolınıň kilӓçӓgenӓ tulısınça qurqınıç tudıraçaq bu mӓğ’nӓsez omtılışnı qabul itmibez” dide.
