Төрeк мaтбугaтынa күзәтү - Törek matbuğatına küzätü 07.04.2021
7нчe мартта бaсылып чыккaн кaйбeр төрeк гaзeтлaрынa күзәтү / 7nçe martta basılıp çıqqan qayber törek gazetlarına küzätü
“Star” gazetı: "Qalınnan AB belän söyläşüdän soñ açıqlaw"
İlbaşı idaräse süzçese İbrahim Qalın İlbaşı Räcäp Tayyip Ärdoğannıñ Awrupa Berlege komissiyası başlığı Ursula von der Lyayen häm Awrupa Berlege Şurası başlığı Şarl’ Mişel’ belän oçraşuınıñ ğomumi bularaq uñay atmosferada uzuın belderde. Qalın İlbaşınıñ Awrupa Berlege belän mönäsäbätlärneñ kiläçägenä qağılışlı Törkiyäneñ perspektivasın bilgeläp, Törkiyäneñ Awrupa Berlege barışınıñ soñğı maqsatınıñ tulı äğ’zalek buluın iskärtep uzuın citkerde.
“Yäni Şafak” gazetı "Qolliyättä Awrupa Berlege sammitı"
Awrupa Berlege Şurası başlığı Mişel İlbaşı Ärdoğan belän söyläşüennän soñ: "Awrupa Berlege Törkiyä belän iq’tisadi xezmättäşlek, migraśiya häm xalıqlar arasında bäyläneşne arttıru öçen anıq kön tärtiben täq’dim itärgä äzer”, - dip beldergän bulsa, Lyayen: "Tamğaxanä Berlegeneñ ütälüenä qağılışlı xäzerge awırlıqlarnı qarap çığıp, yañartıluı öçen êşläyäçäkbez”, - dip äytte.
“Xörriyät” gazetı: "“Bloomberg”tan maqtaw xäbäre"
Üzäge Amerika Quşma Ştatlarında urnaşqan “Bloomberg” iq’tisad gazetı bigräk tä Azärbaycannıñ Tawlı Qarabaxtağı uñışınıñ artında Törkiyäneñ keşesez qorallı hawa apparatlarınıñ buluın belderep: “Baykar” şirkäteneñ “TB2” hawa apparatları Liviyadağı häm Azärbaycandağı bäreleşlärneñ yazmışın üzgärtte”, - dip yazıp çıqtı.
“Watan” gazetı: "“turkishsouq.com” aşa böten dönya alış-bireş yasıy alaçaq"
Transport häm asqorma ministrı Adil Qaraismailoğlu "turkishsouq.com" platforması aşa Angliyadan İtaliyağa, Şveśiyadan Portugaliyağa, Rusiyädän Awstraliyağa, Kanadadan Braziliyağa qadär 47 törle ilga êşlänmä êksportlana alınuın belderep: "Yaqınça 300 meñ êşlänmäbezneñ dönya bazarına täq’dim itelüe täêmin itelde”, - dip äytte.
“Sabah” gazetı: "İstanbul aêroportı 17 meñ oçış belän Awrupanıñ iñ yuğarı noqtasında"
“EUROCONTROL” Awrupa hawa navigaśiya qurqınıçsızlığı oyışması urtaqlaşqan 1nçe-31nçe mart könnärenä qağılışlı mäğ’lümatlärgä kürä, İstanbul hawa mäydanı 17 meñ 407 oçış belän Awrupanıñ iñ yuğarı noqtasında urının aldı.
