Төрeк мaтбугaтынa күзәтү - Törek matbuğatına küzätü 06.04.2021

6нчы мартта бaсылып чыккaн кaйбeр төрeк гaзeтлaрынa күзәтү / 6nçı martta basılıp çıqqan qayber törek gazetlarına küzätü

1615732
Төрeк мaтбугaтынa күзәтү - Törek matbuğatına küzätü 06.04.2021

“Xäbär Türk” gazetı: “Ärdoğannan Montrö açıqlawı”

İlbaşı Räcäp Tayyip Ärdoğan 1936nçı yılğı Montrö Buğazlar kileşüeneñ Törkiyägä täêmin itkän qazanışlarnı möhim dip kürülären, tağın da yaxşırağı öçen mömkinlek tabılğançı bu kileşügä bäyle bulaçaqların äytte. Ärdoğan kiläçäktä ixtıyac tuğan oçraqta ilne tağın da yaxşıraq bulğanğa qawıştıru öçen här kileşüne küzdän kiçerüdän dä tartınmayçaqların belderde.

“Star” gazetı: “Ärdoğannan ike liderğa telefon”

İlbaşı Ärdoğan, Kosova Däwlät başlığı bulıp saylanğan Vjosa Osmani-Sadriu belän telefon söyläşüen ütkärep, täbriklären citkerde. Törek cämğiyäteneñ yaña xökümätneñ tözelüe häm İlbaşı saylawı barışlarındağı konstruktiv totışına iğ’tibarnı yünältüçe Ärdoğan ike il arasındağı tarixi duslıq häm qardäşlek mönäsäbätläreneñ yaña çorda da nığıyaçağına ışanuın äytep uzdı. Ärdoğannıñ Qatar Ämire Al Sani belän telefon söyläşüendä dä ike yaqlı häm regional’ mäs’älälär quzğatıldı.

“Yäni Şafak” gazetı: “Törkiyä Rusiyä belän ğaläm kileşüen tözi ala”

Törkiyä ğaläm agentlığı başlığı Xösäyen Yıldırım Rusiyä belän ğaläm ölkäsendä xezmättäşlek kileşüenä yaqın waqıtta qul quyıla alınacağın äytte. Yıldırım: “Milli maqsatlarıbız nigezendä bez bilgelägän illär belän häm xalıqara oyışmalar belän mönäsäbätlär urnaştırabız. Rusiyä belän ber rättän şaqtıy il belän xezmättäşlek ölkäsendä êşçänlek alıp barabız häm yaqın waqıtta kileşülärgä imza salunı planlaştırabız”, - dip belderde.

“Watan” gazetı: “Törkiyä belän Azärbaycan arasında yaña xezmättäşlek”

Şäxes tanıqlığı (êçke pasport) belän säyäxät itü başlanğan Törkiyä belän Azärbaycan arasında yaña ber kileşü tormışqa aşırıla. İmzalanğan protokol belän sälamätlek saqlaw tarmağı belän ber rättän urtaq turizm platforması buldırılaçaq. Bu kileşü ike il arasındağı säfär sannarın citdi külämdä arttıraçaq.

“Sabah” gazetı: “Keşesez qorallı hawa apparatlarınnan soñ xäzerge maqsat keşesez xärbi oçqıç”

Törkiyäneñ çikneñ ar’yağında oyıştırğan xäräkätlärdä zur rol’ uynağan, nihayät’ Azärbaycannıñ Tawlı Qarabax ciñüendä Ärmänstan ğaskärenä awır orım kitergän Törkiyäneñ keşesez qorallı hawa apparatlarınıñ uylap çığaruçısı Sälçuk Bayraqtar yaña proyekt açıqlawın yasadı. Bayraqtar keşesez xärbi oçqıçlarnıñ êşläp çığarıluı öçen dä êşçänlekneñ alıp barıluın äytte.



Bäyläneşle xäbärlär