Törek matbuğatına küzätü 01.04.2021
Qayber törek basmalarına küzätü
“Xörriyät” gazetı yazğança Törkiyä ilbaşı Räcäp Tayyip Ärdoğan Törki Şuranıň Däwlät başlıqları oçraşuında çığış yasap: “Qarabaxtağı törki mirasnıň saqlanuı öçen Azärbaycan yanında buluıbız bik möhim. Qısqa waqıtta Ramazan gayetennän soň Şuşağa säfär yasarğa telibez,” – dide.
“Sabah” basması beldergänçä Törkiyäneň tışqı êşlär ministrlığı AQŞnıň skandal Keşe xoquqların yaqlaw xisabına qırıs reakŝiya belderde.
Xäbärgä kürä açıqlawda tübändäge yullar urın ala: “Demokratiyabezgä yanawçı, yözlärçä watandaşıbıznı şähit itkän 15 iyul’ könge xain tüntäreleş kereşüen başqarğan FETÖ terror oyışmasına bıyıl da xisapta urın birelmäde. AQŞ bu oyışma belän köräşebezne haman da aňlıy almawın, älege terror oyışmasına qarşı kürsätelgän dälillärgä bitaraf qaluın, xisapnı äzerlägändä dä yänä başqalarınıň qaraşları belän êş başqaruın kürsätä.”
“Star” gazetı citkergänçä Sänägät’ häm texnologiya minirtrı Mostafa Varank innovativ cirle vakŝina citeşterü êşçänlekläre mäs’äläsendä: “Barlıq êtaplar uňışlı räweştä tämamlansa, yıl azağında 50 million dozalık vakŝina qulıbızda bulaçaq,” – dide.
“Xäbär türk” basması xäbärenä kürä Fatix isemle zondaj köymäseneň Sakaryadağı Gaz mäydanında urın alğan dingez skvajinası Türkali-2dä 3950 metr tiränlekkä ireşüe häm skvajinadağı êşçänleklären uňışlı räweştä tämamlawı belderelde.
“Yenişafak” gazetı yazğança Törek hawa yulları yulçılarnıň “PressReader” prilojeniyese yärdämendä törle ildä basıluçı jurnal häm gazetlarnı tüläwsez uqıy alaçaqların citkerde.
Xäbärdän kürengänçä yulçılar oçışqa 24 sägät’ qala häm säfär betkännän soň ber täwlek êçendä “PressReader”nı qullana ala.
