Törek matbuğatına küzätü 30.03.2021

Qayber törek basmalarına küzätü

1611147
Törek matbuğatına küzätü 30.03.2021

“Xäbär türk” gazetı yazğança Törkiyä ilbaşı Räcäp Tayyip Ärdoğan härkemne Törkiyägä investiŝiya kertergä çaqırdı.

Xäbärgä kürä Monnan alda Törkiyägä investiŝiya kertüçelärneñ bügenge köndä üskän bazar häm qazanışları belän uñış cıyuların assızıqlağan Ärdoğan monnan soñ da investiŝiya kertüçelärneñ qısqa waqıtta şul uq qazanışlarğa ireşäçägen äytte.

“Watan” basması beldergänçä Awrupa Berlege Şurası başlığı Şarl’ Mişel’ belän Awrupa Berlege Komissiyase başlığı Ursula von der Leyen 6 aprel’ könne Törkiyägä säfär yasayaçaq.

Xäbärdän kürengänçä Mişel’ häm von der Leyen Törkiyä ilbaşı Räcäp Tayyip Ärdoğan belän küreşäçäk. Awrupa Berlege liderları oçraşuında iqtisad, migraŝiya, cämğıyät’lär arasındağı êlemtä häm säyäxät kebek mäs’älälärdä Törkiyä belän xezmättäşlekneñ nığıtıluına qarar birelgän ide.

“Star” gazetı citkergänçä Törkiyäneñ Ğaläm agentlığı başlığı Serdar Xösäyen Yıldırım 2028 yılnıñ azağına qadär ayğa apparat cibärüne häm annan ber törkem mäğlümat cıyıp, Törkiyägä ireşterüne maqsat itülären äytte.

Xäbärdä Yıldırımnıñ tübändäge süzläre urın ala: “Yaponiya, Qıtay, Rusiyä, Awrupa illäre häm Amerikalı şirkätlär belän ber rättän şaqtıy il bezgä şaltıratıp, bu programma belän täbrik itte häm niçek öleş kertä alaçaqların soradılar.”

“Yäni Şafak” basması xäbärenä kürä koronavirus kizüe waqıtında citeşterü potenŝialı belän alğa çıqqan Törkiyä êksportnı bertuqtawsız däwam itterde. Şaqtıy tarmaq öçen zur forsat çorı başlana. Kiläse 15 yılda êksportnıñ zurt izlek belän artuı küzdä totıla. Bu waqıt êçendä iñ küp artışnıñ 425% belän saqlanu häm aviaŝiya sänägätendä buluı kötelä.

“Sabah” gazetı yazğança Änkaradağı ênergetika şirkäte çirattan tış cılınu texnologiyase barlıqqa kiterde. Bordan nanotexnologiya yärdämendä tirä-yaq moxitka zıyan salmawçı ênergetika texnologiyalären citeşterüçe şirkät Awrupanıñ zur öleşendä 50 yıldan êlekke binalarnı cılıtırğa bulışaçaq. Xäzergä iseme äytelmägän şirkätneñ İdarä şurası başlığı Dr. Malik Çağlar maqsatlarınıñ 10 yılda 1 milliard dollarlık texnologiya êksportın başqaru buluın belderde.



Bäyläneşle xäbärlär