Төрeк мaтбугaтынa күзәтү - Törek matbuğatına küzätü 26.03.2021
26нчы мартта бaсылып чыккaн кaйбeр төрeк гaзeтлaрынa күзәтү / 26nçı martta basılıp çıqqan qayber törek gazetlarına küzätü
“Yäni Şafak” gazetı: "“Reuters”tan iğ’tibarnı cälep itüçe Ärdoğan-Bayden analizı"
“Reuters” ingliz xäbär agentlığında Törkiyä Däwlät başlığı Räcäp Tayyip Ärdoğan häm Amerika Quşma Ştatları prezidentı Djo Bayden belän bäyle kiñ qırlı analiz çıqtı. Mäqalädä Ärdoğannıñ "İñ başta Törkiyä” totışı êçendä buluın häm Amerika Quşma Ştatları yäki Rusiyäneñ qağıydälärne quyğan häm Törkiyä bäyä tülägän śenariylärne kire qağuı belderelep: "Bu wazğiyät Baydenğa qıyınlıq kiteräçäk", - dip äytelde. Analizda Änkaranıñ töbäktäge adımnarı öçen "Törkiyä ul êlekke Törkiyä tügel” yullaması da citkerelde.
“Xörriyät” gazetı: "Awrupa Berlege liderlar sammitınnan Törkiyä belän xezmättäşlek yullaması!"
Awrupa Berlege liderlar sammitı beldergesendä Awrupa Berlegeneñ Törkiyä belän xezmättäşlekne üsterergä äzer buluı äytelde. Törkiyä belän ike yaqlı bäyläneşle ölkälärdä yuğarı däräcäle dialog başlatırğa äzer buluı turında belderelde.
“Star” gazetı: "İFM belän Törkiyä nığıtmağa äylänäçäk"
Alğa kitkän 8 il iq’tisadi xezmättäşlek oyışmasınıñ (D-8) Ğomum särkätibe ilçe Dato Ku Jaafar Ku Shaari: "İstanbul finans üzäge (İFM) – hiçşiksez, Törkiyäne yañadan canlandıraçaq häm dönya külämendä finans operaśiyäläre öçen nığıtmağa, bazağa äyänderäçäk. Dön’yanıñ törle illärendä häm töbäklärendä qızıqsındıru uyandıraçağın uylıym. Törkiyä bu proyekt belän şaqtıy xalıqara banknıñ investiśiyälären dä üzenä cälep itä ala”, - dip äytte.
“Watan” gazetı: "Äminä Ärdoğan BMOnıñ global’ maqsatlar ğamäl bülägenä layıq buldı"
İlbaşı Räcäp Tayyip Ärdoğannıñ xäläl cefete Äminä Ärdoğan Qaldıqsızlıq proyektı häm moxitnı saqlawğa qağılışlı başqa êşçänlekkä kertkän öleşe uñayınnan Berläşkän Millätlär Oyışması qalqınu-üseş programmasınıñ (UNDP) Törkiyä ofisı tarafınnan bıyıl berençese birelgän “Global’ maqsatlar ğamäl büläge”nä layıq dip tabıldı.
“Sabah” gazetı: “Ukrainadan Kapadokiyağa berençe oçış yasaldı”
Ukraina hawa yulları Kiev-Kapadokiya hawa mäydannarı arasında atnada 2 kön yasalaçaq çarter oçışlarınıñ berençesen başqardı. 180 keşelek täwge turist törkeme wazıyfalılar tarafınnan çäçäklär belän qarşı alındı.
