Törek matbuğatına küzätü 25.03.2021

“Xörriyät” gazetı yazğança Törkiyä ilbaşı Räcäp Tayyip Ärdoğan Ğadälät häm qalqınu partiyaseneñ 7nçe Böyek Kongressında 2023 manifestın açıqladı. Ärdoğan kongresstan soñ yasağan çığışında: “2023 Cömhüriyät İttifaqınıñ ciñü yılı bulaçaq,” – dide. Törkiyä ilbaşı kongressta 1428 tawışnıñ barısın da cıyıp, qabat Aq partiya ğomüm başlığı bulıp saylandı.

“Star” basması beldergänçä Törkiyäneñ tışqı êşlär ministrı Mäwlüt Çavuşoğlu AQŞ däwlät särqätibe Êntoni Blinken belän Bryussel’da küreşep söyläşte.

Xäbärgä kürä Çavuşoğlu: “Blinken belän konstruktiv söyläşü ütkärdek. Rusiyädän S-400 saqlanu sistemaların aluıbıznı häm bu mäs’äläneñ bezneñ öçen tögällänüen äyttek. AQŞ däwlät särqätibe belän Törkiyä yäisä AQŞta tağın da kiñ qırlı cıyılış uzdıru mäs’äläsendä kileştek,” – dide.  

“Sabah” gazetı xäbär itkänçä Sälamätlek saqlaw ministrı Faxrettin Koca soŝial’ mediadan açıqlaw yasap, 1 million 400 meñ Biontech vakŝinasınıñ Törkiyägä kilüen häm iminlek testlarınnan soñ watandaşlarğa yasalaçağın belderde.

“Yeni Şafak” basması citkergänçä NATO ğomüm särqätibe Yens Stoltenberg NATO tışqı êşlär ministrları cıyılışınnan soñ yasağan açıqlawda Törkiyäneñ möhim berlektäş buluın belderep: “Törkiyäneñ Ğıyraq häm Süriyägä çige bar häm xalıqara terrorçılıqqa qarşı köräştä möhim rol’ uynıy. Başqa bernindi berlektäş ildä dä Törkiyädäge qadär qaçaq yäşämi,” – dide.

“Xäbär türk” gazetı Bitci texnologiya belän Formula 1 taqımı McLaren arasında xezmättäşlek kileşüeneñ tözelüen yaza.

Xäbärgä kürä kileşü qısalarında Bitci Texnologiya şirkätlärennän Bitci.com logosı McLaren Formula 1 Taqımı maşinalarında häm pilotlarnıñ kaskalarında urın alaçaq.