Törek matbuğatına küzätü 08.03.2021

“Xörriyät” basması beldergänçä Törkiyä ilbaşı Räcäp Tayyip Ärdoğan 8 Mart Xalıqara Xatın-qızlar köne uñayınnan yullama yasadı. “Mӓxӓbbӓtlӓre, söyülӓre, tırışlıqları, xezmӓtlӓre, fidaqarleklӓre belӓn keşelekneň ömete bulğan barlıq xatın - qızlarnı 8 nçe mart Xalıqara Xatın - qızlar köne belӓn qotlıym,” – dide ul.

“Star” gazetı yazğança Tışqı êşlär ministrı Mäwlüt Çavuşoğlu Törkiyäneñ Sämärqandtağı baş konsullığın açtı. Baş konsullıknıñ Üzbäkstan belän daimi qardäşlekneñ yaña simvolı bulaçağın beldergän Çavuşoğlu: “Üzbäkstannı berençe itep tanığan il Törkiyä Cömhüriyäte buldı häm Üzbäkstanda berençe ilçelekne dä bez açtıq,” – dide.

“Yenişafak” basması xäbärenä kürä AQŞ däwlät särqätibe Êntoni Blinken Äfğanstan däwlät başlığı Eşref Ganiğa cibärgän xatında Törkiyädän Äfğan xökümäte häm Taliban arasında yuğarı däräcäle räsmi zatlar qatnaşaçaq cıyılış uzdıruların taläp itäçäklären äytte.

“Watan” gazetı citkergänçä Yevrokontrol’ xisabına kürä 1 fevral’ – 6 mart arasındağı oçış xäräkätendä Törek hawa yulları könenä urtaça 581 oçış belän köndäşlären uzdırdı, İstanbul aêroportı da dön’yadağı küp keşe kilgän hawa mäydanı buldı.

“Sabah” basması xäbär itkänçä SpaceX iyärçene belän ayğa 8 keşene alıp baraçağın açıqlağan yapon milliarder Yusaku Maezawa 239 il häm töbäktän 500 meñnän artıq möräcäğat’neñ yasaluın belderde.

Gazet yazğança möräcäğat’lär iñ küp yasalğan illärne dä açıqlağan milliarder 4nçe urında Törkiyäneñ buluın citkerde. İsemlektä berençe urınnı Hindıstan alıp tora, annan soñ AQŞ häm İran bar.