Төрeк мaтбугaтынa күзәтү - Törek matbuğatına küzätü 25.02.2021
25нче февральдә бaсылып чыккaн кaйбeр төрeк гaзeтлaрынa күзәтү / 25nçe fevral’dä basılıp çıqqan qayber törek gazetlarına küzätü
“Sabah” gazetı: "Ärdoğan: Här tamçı qannıñ xisabın sorıybız”"
İlbaşı Räcäp Tayyip Ärdoğan “Ğadälät häm qalqınu” partiyasınıñ vilayät kongresslarında yasağan belderüendä: "Terrorçılıq belän köräş ölkäsendä bez yasağan adımnarnıñ uñay näticälären kürä başladıq. Häm terror oyışmasına quşılğannarnıñ sanında, häm dä terror oyışmasınıñ ğamäl köçendä azayu yäşänä. Millätebezneñ berlegenä, berdämlegenä qul kütärgän xäsislärdän qoyğan här tamçı qannıñ xisabın sorıybız”, - dip äytte.
“Xörriyät” gazetı: "”Moody’s” Törkiyäneñ üseş isäpläwlären arttırdı"
Xalıqara kredit bäyäläw oyışması “Moody’s” Törkiyäneñ 2021nçe yıl üseş farazın 3,5%tan 4%qa, 2022nçe yıl üseş isäpläwen isä 4%tan 5%qa kütärde.
“Yäni Şafak” gazetı: "İstanbul aêroportı Xalıqara hawa mäydannarı şurasınıñ klimat-aqıllı aêroportlar isemlegenä kerde"
İstanbul hawa mäydanı Aêroport uglerod akkreditaśiyäse (Airport Carbon Accreditation) qısalarında Xalıqara hawa mäydannarı şurası (ACI) tarafınnan birelgän Berençe däräcä uglerod çığaru sertifikatın alu xoquqın yawladı.
“Star” gazetı: "Kleopatra plajı Awrupanıñ iñ yaxşı plajları isemlegendä"
Dön’ya külämendä millionnarça keşeneñ turistik qorılmalarnı qarağan häm fikerlären citkergän xalıqara internet säxifäsendä ütkärelgän tawışqa quyuda 2021nçe yılnıñ iñ yaratılğan plajlarına urın birelde. Awrupanıñ iñ yaxşı plajları isemlegenä Törkiyädän dä Antaliyanıñ Alaniya ilçäsendäge Kleopatra plajı kerde.
“Xäbär Türk” gazetı: "Törkiyä - Rusiyä turistlarınıñ 2021nçe yılda iñ küp barırğa telägän illär arasında"
Rusiyäneñ “Yandex.Travel” şirkäteneñ Rusiyädä yaqınça 10 meñ keşe belän ütkärgän cämäğätçelek fikeren öyränüdä watandaşlarnıñ 68% başqa illärgä çikläwlärsez säyäxät itü mömkinlegeneñ yal itü plannarına täêsir itäçägen belderde. Anketada qatnaşuçılar Törkiyäne bıyıl da iñ küp barırğa telägän illär arasında kürsätte.
