Törek matbuğatına küzätü 16.02.2021

16 nçı fevral' könne basılıp çıqqan qayber törek gazetlarına küzätü

1584366
Törek matbuğatına küzätü 16.02.2021

 

 “Xörriyӓt” gazetı Törkiyӓ ilbaşı Rӓcӓp Tayyip Ӓrdoğannıň Ğıyraqnıň Gara töbӓgendӓ 13 Törkiyӓ watandaşınıň “PKK” separatist terror oyışması tarafınnan şӓhit itelüenӓ tawış-tınsız qalğan Amerika Quşma Ştatlarına reakśiya belderep, “Sez bit “PKK”nıñ, “YPG”neñ yanında tügel idegez.  Yuğisä alarnıñ yanında torasızmı? Sez hiçşiksez alarnıň yanında” dip ӓytkӓn süzlӓren citkerӓ.

 ”Star” gazetıAmerika Quşma Ştatlarınıň Ӓnkaradağı tulı wӓqalӓtle ilçese Dêvid Satterfildnıň  Törkiyӓ tışqı êşlӓr ministrlığına çaqırıluı hӓm aňa AQŞnıň Gara belderüenӓ Törkiyӓ reakśiyӓseneň citkerelüe turında yaza.

Tışqı êşlӓr ministrlığınıň bu xaqtağı belderüendӓ “AQŞnıň Ӓnkaradağı ilçese bügen ministrlıqqa çaqırıldı hӓm AQŞnıň açıqlawına qarata reakśiyӓbez citkerelde” diyelde.

AQŞ dӓwlӓt departamentınıň Ğıyraqnıň Gara töbӓgendӓ 13 Törkiyӓ watandaşınıň “PKK” separatist terror oyışması tarafınnan şӓhit itelüe uňayınnan yasağan belderüendӓ “Törkiyӓ watandaşlarınıň “PKK” terror oyışması qulında ülüe xӓbӓre döres bulsa bu ğamӓlne kisken rӓweştӓ ğayeplibez” digӓn yullar urın alğan ide.

”Sabah” gazetı Törkiyӓ tışqı êşlӓr ministrı Mӓvlüt Çavuşoğlunıň AQŞlı wazıyfadaşı Antoni Blinken belӓn telefonnan söylӓşüen xӓbӓr itӓ. Söylӓşüdӓ ike yaqlı mönӓsӓbӓtlӓr, terrorğa qarşı körӓş turında süz bardı. Blinken Ğıyraqnıň Gara töbӓgendӓ 13 Törkiyӓ watandaşınıň “PKK” separatist terror oyışması tarafınnan şӓhit itelüe nisbӓtennӓn qayğı urtaqlaştı hӓm monıň öçen “PKK” separatist terror oyışmasınıň cawaplı buluın belderde.

”Vatan “ gazetı qulğa alu qararı bulğan hӓm qaçıp yörüçe “Fӓtullahçı terror oyışması” ӓğ’zaları Gürbüz Sevilay belӓn Tamer Avcınıň Törkiyӓ milli küzlӓw oyışması operaśiyӓse belӓn Üzbӓkstannan Törkiyӓgӓ kiterelüen citkerӓ. Gürbüz Sevilaynıň Ğıyraq hӓm Süriyӓdӓ “PKK/KCK-PYD/YPG-SDG” separatist terror oyışmasın qoral belӓn tӓêmin itüe hӓm güyӓ oyışma atamannarı belӓn küreşüe açıqlandı.

“Xӓbӓr Törek” gazetı tanılğan futbolçı Mesut Özilneň “Fӓnӓrbahçӓ” gӓ küçüennӓn soň uzğan kileşügӓ qul quyu tantanasında maxsus ӓzerlӓngӓn hӓm Özil imzalağan 3 formanıň barlığı 36 meň 50 yevroğa satıluın uquçıları belӓn urtaqlaşa.

 

 



Bäyläneşle xäbärlär