Törek matbuğatına küzätü 29.01.2021

“Sabah” gazetı yazğança 2021 yılnıñ berençe Milli İminlek Şurası cıyılışı Törkiyä ilbaşı Räcäp Tayyip Ärdoğan räislegendä cıyıldı. Şura beldergesendä Törkiyäneñ Ägäy, Könçığış Urta diñgez häm Kiprda xoquqların yaqlawda täwäkkäl buluı assızıqlandı.

Xäbärdän kürengänçä beldergedä tübändäge yullar urın ala: “Töbägebezdäge totrıqsızlıq çığanağı bulğan terror oyışmalarınıñ kön’yaqtağı kürşelärebez cirlärendä beterelüe qısalarında yasalğan adımnar qaraldı, mäs’älägä bäyläneşle barlıq uyınçılarğa üz cawaplılıqların cirenä citkerü çaqıruı yasaldı.”

“Watan” basması beldergänçä Törkiyä Qıtaydan alğan vakŝinalarnı kiterü däwam itä. Vakŝinalarnıñ 10 million dozalık ikençe öleşe dä bügen irtän Törkiyägä kiterelde. Qıtaydan zakaz yasalğan 3 million doza bulğan berençe partiya 30 dekabr’ könne kilde, ul sälamätlek saqlaw xezmätkärlärenä yasala başlağan ide. 

“Yeni Şafak” gazetı xäbär itkänçä törek belgeçläre yasağan cirle vakŝinanıñ koronavirusqa qarşı tağın da täêsirle häm ışanıçlıraq bulaçağı açıqlandı. Törkiyäneñ Fänni häm texnologik tikşerenü oyışması TÜBİTAK başlığı Xäsän Mandal cirle vakŝina êşçnlekläre belän bäyle bularaq: “Bu vakŝinalar çit illärdäge kebek tügel, virusqa qarşı täêsire kübräk häm ışanıçlıraq,” – dide.

“Star” basması citkergänçä Angliyaneñ Änkaradağı ilçese Dominik Çilkot ileneñ saqlanu tarmağında Törkiyä belän êşçänlek başqaruda häm saqlanu sänägäte tarmaqları arasında xezmättäşlekne däwam itterüdä täwäkkäl buluın belderde. İngliz ilçese ike ildäge şirkät häm qullanuçılarnıñ ber-bersennän êşlänmä satıp alırğa teläwen buluın belderde.

“Xäbär türk” gazetı tikşerenü şirkäte Numbeonıñ 2020neñ iñ ışanıçlı şähärlären açıqlawın yaza.

Xäbärgä kürä Törkiyädän dä 6 şähär kergän isemlektä İskeşähär 82,45 ball belän 8nçe urında. Törkiyädän Alaniya, Bursa, İzmir, Änkara, İstanbul da iñ ışanıçlı şähärlär isemlegendä.